San Andres bailara (eu)

Adi! Artikulu hau oraindik osatu barik dago.

Osatzeko informazioa edo materiala baldin badaukazu, animatu eta aurrera!

Irure auzoa (Kontrargi 2002)

Geografia

San Andres auzoa da Soraluzeko lau mendi auzoetan baserri eta bizilagun gehien dituen auzoa. Ezozi eta Txurruka auzoen erdian dago San Andres eta herritik mendigainera iristeko biderik zuzen eta erosoena igarotzen da bertatik. Horregatik da San Andres jende mugimendu gehien izaten duen auzoa. Foru Aldundiaren jabetzakoa den bide bikaina izan arren, azken urteotan baserri asko hustu dira auzoan eta oraindik bertan bizi diren bizilagunen gehiengoa edadetua da. Auzo aldapatsua da ia bere osotasunean eta abeltantzarako egokiagoa, nekazaritzarako baino. Oso gutxi dira baserriari errendimendu ekonomikoa ateratzen saiatzen diren sendiak; Osuma, Osumazpi, Obe, Haritza…

San Andresek baso eta mendi sail handiak ditu mendigainera bitartean, gehienak pinuz landatuak. Oraindik ere, lehengo ohiturari jarraituz, auzoko baserritarrek auzolanean garbitzen dituzte mendi bideetako asko. Erreka urtsuak ere baditu San Andresek; Keixetako errekastoa esaterako, eta orain urte asko ez zela erori zen Bagozgoitia baserriaren gainekaldean zegoen azken errota. Auzoa zeharkatzen zuen bide zahar edo galtzadaren zati batzuk ere osorik daude oraindik. Bestalde, Izarre baserriaren gainean, inork gutxik ezagutzen duen hogei bat metroko luzeera inguruko mehatze zulo sakon bat dago.

San Andres Ermita

XVI. Mendearen amaiera aldera San Andres santuaren omenez egindako baseliza da. 200 Pertsona ingururendako lekua du barruan eta ataria hamabi metro luze eta hiru metro zabaleko estalpe eroso batek estaltzen du. Altarearen erdi erdian San Andresen irudia dago eta jendearendako egurrezko bigarren pisu bat ere badu. Orain lau-bost urte, auzoko baserritar eta Inazio de Migel arotzaren arteko auzolanean, erabat berriztu zen ermita. Oraindik ere, auzokoren bat hiltzen denean, meza egiten da larunbatean. Auzoko jatorria duten gazte askok bertan ospatzen dituzte ezkontza elizkizunak.

San Andrespe Elkartea

Ramiro Larrañagak (245. orrialdean): Pegante a la ermita hay otra "casilla", que tam¬bién consta en la aludida relación, que era donde vivía la persona que cuidaba de la ermita. Actualmente pertenece al Ayuntamiento de la villa.

San Andres ermitaren ondoan dago San Andrespe elkartea, “San Andresko soziedadia” izenagaitik ezagunagoa dena. Hogeitamalau bazkide ditu gaur egun, denak auzoko baserrietan jaio edo jaiotakoen seme alabak direnak. Elkarteko “junta” astero astero biltzen da eta bazkide guztiak bi hilean egiten dute bilera-afaria. Auzoko pertsona heldu eta gazteak biltzen dira bertara eta sorotik sororako elkarrizketak eta bide zaharreko patxadazko pausuak desagertu zirenetik, bertan gauzatzen da nagusiki San Andrestarren arteko elkarbizitza. Elkartea, auzoko baserritarren eta baserriko jatorria duten senideen arteko harreman gune nagusia bihurtu da. Mahaiaren bueltan bokadutxo bat eginaz, auzoko kontuei errepasotxo bat egin edo pelota partiduak ikustearekin, komunikaziorako giro aparta sortzen da, baserri munduko giroaren, filosofien eta bizimoduaren belaunaldi arteko transmisio bide ere bihurtuz.

Frontoia, bolatokia…

Azken hiru urteotan izugarri aldatu da San Andresko ermita eta elkartearen ingurua. Elkartean batzen diren auzotarren eskulanari eta erakundeen laguntzari esker, frontoi, bolatoki, jolastoki, aparkaleku eta lokal sozial eder bat egin dira inguruan. Lan hauek egin direnetik, gero eta gehiago dira astebukaera nahiz astegunetan, arratsalde pasa San Andresera jotzen duten soraluzetar eta kanpotarrak; pelotan jokatu, haurrak jolastokian erabili edo boletan egitera doazenak. Gune hontaz gainera, badira San Andres auzoan bisitatzea merezi duten beste gune batzuk ere. Bidean gora eginda dagoen eta Urkia-Zelai moduan ezagutzen den gunea esaterako, urki zaharrez jantzitako gune ederra da, Izagirre baserriko artzai txabola eta guzti, eta inguruan bi elkarte gastronomiko haundi dituela; Urkia Zelaiko Txabola eta Izai-Aterpea. Honekin batera, mendi gaineko Atxolingo gaina eta inguruko monumentu megalitiko ugariak (Begiratu Txurruka auzoko sarreran sakonago) ere ikusteko modukoak dira.

Irure auzoa. Atzekaldean, Arrate (J.C. Astiazarán 1979)

Jaiak

San Andres jaiak uztailaren bigarren asteburuan egiten dira. San Andrespe elkarteko auzotarrek antolatzen dituzte jaiak. Hiru eguneko jaiak izaten dira, larunbat gauean hasi eta astelehen gauerdiarte luzatzen direnak. Betidanik jende asko hurbildu izan da San andres auzoko jaietara. Elkarteko jendearekiko harremanez eta lekuaren egokitasunaz gain, azken urteotan egitarau erakargarri eta potolo askoak prestatu izan dituzte elkarteko batzordekoek. Arriskatuz eta lan handia eginez, Oskorri, Tapia eta Leturia eta Anje Duhalde moduko kontzertuak ekarri dituzte azken urteotan. Horrez gainera, bertsolari, harrijasotzaile , trikitilari, pelotari, bola txapelketa eta bestelako ikuskizun ugari eskeini izan dira jaietan. Beste leku askotan ez bezela San Andres jaiek gogor eusten diete auzo txikietako giroari.

Bitxikeriak

Irure Hamenguako armarria
(Kontrargi 2002)

Leziagako Haitzen kondaira

Aintzina kontatzen zen, bazela mendi gainean bizi zen indar ikaragarridun “Artzabal” izeneko jentil bat. Jentil horrek, haserrealdi baten, haitz izugarri bat bota omen zuen Atxolingo mendi tontorretik Leizeagako errekazulora. Leizeagako erreka ondoko harritzar horrek, zabaleran 50 bat metro eta altueran 25 bat metro ditu eta aterpe ederra eskeintze die inguruko belardietan bazkatzen duten abereei. Beheraxeago ere badago beste haitz handi bat, goikoa baino txikixegoa eta “Leziako Haitzak” izenez ezagutzen dira.

Han, han, han! Nun, nun, nun?

Gertaera bitxi bat bada, garai hartako bizimoduak zuen naturarekiko lotura eta irudimen goxoaren erakusgarri dena. Soraluzeko herriak, bere “metereologia zentru” berezia izan zuen garai batean eta bere eguraldi gizona ere bai, Jose Urizar Arteta (Arteta baserrikoa).

Soraluzeko herria bi mendiren arteko ibar estu batean kokatua dago eta pentsatzekoa den moduan, herritik bertatik ikusi daitekeen zeru eremua oso mugatua da. Beraz, mendian gora egin behar da urrutira dagoena edo urrutitik datorrena ikusi nahi bada.

Arteta baserrikoak urte askoan izan dira San Andresko ermitako kanpaiak jotzearen arduradunak. Joxe Artetak, San Andresko tontorretik urrutira hodei tontor beltzen bat (orea zetorrela) antzematen zuenean (uda partean batez ere), gainontzeko baserritarrak jakinaren gainean jartzen zituen, euri edo txingor zaparradak heldu aurretik egiten zihardutenari laga eta azkar etxeratu zitezen. Haizeak jotzen zuen norabideagatik, lainoen abiadurarengatik edo euren altitude edo berak bakarrik somatzen zituen beste zantzu berezi batzuengatik ekaitza zetorrela igartzen zionean San Andresko ermitako kanpaiak jotzen zituen abisu emateko: Han, han, han!.

Kanpai hots honek, gero, erantzuna izaten zuen: Nun, nun, nun? erantzuten zuen kaleko kanpandorreko Santa Barbara kanpaiak, soinu baxu eta sakonez. Eta Santa Ana monjen konbentuko kanpaia ere ez zen ixilik geratzen.

Behin Plazentziako Gila tabernan biajante bat ei zeguan zeoze hartzen. Da hara nun entzuten diran San Andresko kanpaiak joten. Da tabernarixorrek esan ei zotzan orduan biajanteari, ez urtetzeko alperrik eta geratzeko bertan... baina biajanteorrek ezetz, egualdi edarra zeguala, zerua garbi garbi ta zela egingo ete zeban ba eurixa. Tabernatik fabrikara zoiala harrapatu ei zeban zaparradiak.

Bailarako mapa

Mapa kargatzen...

{"type":"ROADMAP","minzoom":false,"maxzoom":false,"types":["ROADMAP","SATELLITE","HYBRID","TERRAIN"],"mappingservice":"googlemaps3","width":"1000px","height":"800px","centre":false,"title":"","label":"","icon":"","lines":[],"polygons":[],"circles":[],"rectangles":[],"copycoords":false,"static":false,"visitedicon":"","wmsoverlay":false,"zoom":false,"layers":[],"controls":["pan","zoom","type","scale","streetview","rotate"],"zoomstyle":"DEFAULT","typestyle":"DEFAULT","autoinfowindows":false,"resizable":false,"kmlrezoom":false,"poi":true,"cluster":false,"clustergridsize":60,"clustermaxzoom":20,"clusterzoomonclick":true,"clusteraveragecenter":true,"clusterminsize":2,"imageoverlays":[],"kml":[],"gkml":[],"searchmarkers":"","fullscreen":false,"scrollwheelzoom":false,"locations":[{"text":"\u003Cdiv class=\"mw-parser-output\"\u003E\u003Cp\u003E\u003Ca href=\"/wiki/San_Andres_ermita_(eu)\" title=\"San Andres ermita (eu)\"\u003E San Andres ermita\u003C/a\u003E\n\u003C/p\u003E\u003C/div\u003E","title":" San Andres ermita\n","link":"","lat":43.174981,"lon":-2.404018,"icon":""},{"text":"\u003Cdiv class=\"mw-parser-output\"\u003E\u003Cp\u003E\u003Ca href=\"/wiki/Agarreburu_baserria_(eu)\" title=\"Agarreburu baserria (eu)\"\u003E Agarreburu\u003C/a\u003E\n\u003C/p\u003E\u003C/div\u003E","title":" Agarreburu\n","link":"","lat":43.169944,"lon":-2.404555,"icon":""},{"text":"\u003Cdiv class=\"mw-parser-output\"\u003E\u003Cp\u003E\u003Ca href=\"/wiki/Argate_baserria_(eu)\" title=\"Argate baserria (eu)\"\u003E Argate\u003C/a\u003E\n\u003C/p\u003E\u003C/div\u003E","title":" Argate\n","link":"","lat":43.175306,"lon":-2.409111,"icon":""},{"text":"\u003Cdiv class=\"mw-parser-output\"\u003E\u003Cp\u003E\u003Ca href=\"/wiki/Argateburu_baserria_(eu)\" title=\"Argateburu baserria (eu)\"\u003E Argateburu\u003C/a\u003E\n\u003C/p\u003E\u003C/div\u003E","title":" Argateburu\n","link":"","lat":43.178639,"lon":-2.409722,"icon":""},{"text":"\u003Cdiv class=\"mw-parser-output\"\u003E\u003Cp\u003E\u003Ca href=\"/wiki/Arizaga_baserria_(eu)\" title=\"Arizaga baserria (eu)\"\u003E Arizaga\u003C/a\u003E\n\u003C/p\u003E\u003C/div\u003E","title":" Arizaga\n","link":"","lat":43.173111,"lon":-2.402139,"icon":""},{"text":"\u003Cdiv class=\"mw-parser-output\"\u003E\u003Cp\u003E\u003Ca href=\"/index.php?title=Arizaga-etxetxo_baserria_(eu)\u0026amp;action=edit\u0026amp;redlink=1\" class=\"new\" title=\"Arizaga-etxetxo baserria (eu) (orria ez da existitzen)\"\u003E Arizaga-etxetxo\u003C/a\u003E\n\u003C/p\u003E\u003C/div\u003E","title":" Arizaga-etxetxo\n","link":"","lat":43.173917,"lon":-2.401861,"icon":""},{"text":"\u003Cdiv class=\"mw-parser-output\"\u003E\u003Cp\u003E\u003Ca href=\"/wiki/Arkaitz_baserria_(eu)\" title=\"Arkaitz baserria (eu)\"\u003E Arkaitz\u003C/a\u003E\n\u003C/p\u003E\u003C/div\u003E","title":" Arkaitz\n","link":"","lat":43.169131,"lon":-2.406169,"icon":""},{"text":"\u003Cdiv class=\"mw-parser-output\"\u003E\u003Cp\u003E\u003Ca href=\"/wiki/Arteta_baserria_(eu)\" title=\"Arteta baserria (eu)\"\u003E Arteta\u003C/a\u003E\n\u003C/p\u003E\u003C/div\u003E","title":" Arteta\n","link":"","lat":43.175083,"lon":-2.404639,"icon":""},{"text":"\u003Cdiv class=\"mw-parser-output\"\u003E\u003Cp\u003E\u003Ca href=\"/wiki/Zeleta_baserria_(eu)\" title=\"Zeleta baserria (eu)\"\u003E Zeleta\u003C/a\u003E\n\u003C/p\u003E\u003C/div\u003E","title":" Zeleta\n","link":"","lat":43.17333,"lon":-2.410305,"icon":""}]}

Ermitak

Irure bailarak hiru ermita ditu; horietatik bi pribatuak:

Santa Ageda ermita, Zabale baserriarena	San Esteban ermita	San Martzial ermita, Ernizketa baserriarena

Hiru ermitak Eibarrera zihoan mendi-bide zaharraren ibilbidean kokatuta daude.

Baserriak

Gaur eguneko baserriak

Izena	1979	2002
Agarreburu	(argazki barik)
Argate
Argateburu
Arizaga
Arizaga-etxetxo
Arkaitz		(desagertua)
Arteta
Atziolatza Barri	(argazki barik)	(argazki barik)
Atziolatza Zar
Barrenetxe
Bozkoitxi
Errotazar		(desagertua)
Etxebarri
Guenetxe
Guenetxetxo
Ipiñarrieta	(argazki barik)
Iriarte
Iriarte-gain	(argazki barik)
Itsasoi	(argazki barik)
Iturriaga
Izarre
Izarre-etxetxo
Korta	(argazki barik)
Obe
Olea		(argazki barik)
Osuma-azpi
Osuma-gain
San Andres	Fitxategi:San Andres baserria. Ikuspegi orokorra 01 (Juan Caros Astiazarán 1979).jpg
Uzkate
Zabaleta
Zeleta

Desagertutako beste baserriak

Gorago aipatutako Atziolatza Barri, Arkaitz eta Unamunoz gain, beste baserri batzuk ere desagertu izan dira.

Arechaga
Izenak harrizko etxearen tokia esna nahi omen du. Abizen honetako etxe bat Soraluzekoa zen, armarri honekin: kau zatitan, 1. eta 4. zilarrezkoak, arrano gorri (gules) banakoekin; 2. eta 3. urdinak (azur), urrezko banda batekin ertzetan urrezko dragoi buruak dituela, gorritan (gules) lanpasatuak.

Lausagarreta
izenak lau sagarrondoen tokia esna nahi du. XVIII mendean erreta agertzen da, María Josefa de Eguizabal jabea zela. Ez da jakiten non zegoen. Nahiz eta beste herrietako armarriak ezagunak izan, adituek ez dute Soraluzeko Lausagarreta aipatzen.

Olalde
Olea eta herriaren artean Olalde eta Olasarte izeneko baserria izan zen, 1940. urtean bota zutena. Ramiro Larrañagak dioenez, agian beste izen bat izango zuen aurretik.

Soraluze
Ezer gutxi dakigu San Andreseko baserri honi buruz: herriaren izena zuen, ala alderantziz, herriari izena eman zion. 1665 urtean, behintzat, Goenechea familiarena zen; halaxe agertzen da Oinatiko protokolo agiri batean (3842 liburua):

Martín de Arizaga Goenechea eta María de Zubiaurre ezkon-kontratua. Aipatutako eskriturek agintzen dutenez, betiko lokarri eta maiorazkokoak izan daitezela Goenechea oinetxea eta aipatutako Martin de Goenechea dituen lur eta soro, sagasti, gaztainadi, mendi eta gainontzeko jabegoak, kenduta Soraluzeko etxetxoa eta bere azpiko bi ortuak, libre direnak eta garatu behar direnak.

Txitxikua
San Andreserako errepidea zabaldu zenean baserri honen azken hondarrak desagertu ziren. Etxebarri lurretan zegoen, Mozkorta soroan, Argateburu eta Zabaleta artean, eta Barrenetxe azpian.

Urkimuño
Txitxikua agian?