Soraluze - Kortazar ibilbidea (eu)

1993 urtean Debabarreneko Aisialdia eta Turismoaren Mahaiak fitxategi bi argitaratu zituen, Debabarreneko herrien inguruetako ibilbideak proposatuz. Ibilbide hauek oinez zein mendiko bizikletaz egiteko aproposak dira.

Soraluze - Kortazar ibilbide hau bertan agertzen zen- Honetaz gain beste bi ibilbide agertzen ziren, Soraluze - Sagarerreka eta Soraluze - Krabelin-aitz.

Soraluze - Kortazar ibilbidea

Ibilbidea

lbilbide honek Kortazarreko Haitzerai­no eramango gaitu, Aita Barandiaranek Tri­kuharrien lbilbidea izenez bataiaturikoaren abiaburura alegia 700 metrotik gorako altueran egiten den ibilaldi polita da eta lru­kurutzeta tontorreraino ailegatzen da.

1. Udaletxetik abiatuz, Jasokundearen Santa Maria la Real elizaren ondoko eskaileretatik edo errepidetik Estazio kalea pasa eta Zeleta ingururaino igoko dugu.
2. Gune honetan hirigunetik atera eta San Andreserako bidea hartuko dugu.
3. Aipaturiko gunetik 700 metrora, Txu­rruka auzorako bidegurutzea eskuine­an utzi eta ezkerreko bidea, iparraldera doana, hartuko dugu eta...
4. ...600 m-ra Argarateko harkaitzekin egingo dugu topo.
5. Soraluze eta Deba ibaiaren ikusmira bikainez gozatzen dugularik, aurrera jarraituko dugu errepidea utzi gabe, Arga­rateburu baserriaren ondotik pasatuko gara, gero Barrenetxe eta Urruzkarate baserrietatik igarotzeko ondoren, Obe baserriaren albo­tik pasatu eta bi kilometro baino zertxobait gehiago egin ostean, San Andres baserrira helduko gara eta berorren ondoan izen bereko baseliza aurkituko dugu. Toki horretan bolatoki bat dago.
6. Eskuinaldean Txurrukako bideguru­tzea utzita, ezkerralderantz joko dugu (ipar-ekialdeko norabidean) Goenetxe base­rri ondotik pasatu eta gero, Izagirre baserri azpitik eta ondoren Goenetxe-etxetxo base­rriaren gainetik iragango gara San Andres­etik 2 kilometrora gutxi gora-behera.
7. Bidegurutze bat dugu, ezkerreko aldera jo ezkero San Roke eta Ezozia baselizetarantz eramango gaituena. Guk eskuinetik jarraituko dugu, lehendabizi ekial­derantz (altuera hartuz joango gara) eta ganaduentzako itxidura bat pasatu ondoren...
8. ...aurreko bidegurutzetik kilometro batera, gutxi gora-behera, Urkiazelai­ko inguru idilikora eta Manditurrira hel­duko gara.
9. Jarraian, Euskal Herriaren ikusmira ederrez gozatuz bi kilometro igo ondo­ren, Kortazarreko Haitzera helduko gara: Soraluzetik 8 kilometrora daude.
10. Kortazarreko Haitzean mendiz mendiko ibilbide eder bat hasten da, Iru­kurutzetako tontorreraino heltzen dena. lbil­bidean zehar hainbat gailur daude, hala nola, buzoi eta guzti dauden Akelarre eta Atxolin; dena den, gailurrik gehienak oinean duten bidetik ingura daitezke.

Irudiak

(handitzeko, sakatu gainean)

• 

  Argarateko haitzak
  (Juanma Berrueta 1992)

• 

  Ezozia
  (Juanma Berrueta 1992)

• 

  Urkiazelai
  (Juanma Berrueta 1992)

• 

  Kortazar
  (Juanma Berrueta 1992)

Leku interesgarriak

A. Argarateko haitzak

Jatorri bolkanikoa duten formazio bitxiak dira, urpeko erup­zioetatik sortutako laben ondorioz eraturi­koak eta kuxin -edo almohadila- egi­tura dutenak.

B. San Andres

Baserri-auzoa da eta bertan auzoari izena ematen dion Santuaren baseliza dago, 1542an eraikitakoa bera. Errenazimentuko eskulturaren lagin bikai­nak ditu, hala nola, pulpituko panelak, alboko aldareko sagrarioa.

Auzoak bolatokia ere badu.

C. San Roke

Ezoziko Amaren Santutegitik berrehunen bat metro gorago, Bera Kru­zen antzina-antzinako basaeliza dago, geroago San Roke izena hartu zuena: arestian berritu da.

Mendebaldera ema­ten duen fatxadako Erdi Aroko leiho-bao­ak bere zahartasunaren lekuko dira. Baseliza honi dagokio Errenazimenduko bi taila eder dituen aldare hormakonka bat, Valladolideko San Roke eta San Sebastian eskolaren eragina duena.

D. Ezozia

Ezoziko Amaren Santutegia hiri­gunetik bi kilometro ingurura dago. Ber­tara joateko errepide asfaltatu zabal bat dago, Ezozia etorbidean hasi eta futbol­zelai ondotik pasatzen dena.

Baselizaren plaza 1852an eraiki zen eta eusten dion murrutzarraren azpian, antzinako herri­bidea bateratzen den lekuan, ur ederre­ko iturri bat dago.

Inguruetan hainbat leinu-etxe daude, hala nola, Espilla (zati bat eroria badago ere, oraindik gorde­tzen du blasoia), Aldasoro, Mendiola, Irig­oien, Armendia (kararrizko armarri, murruartekak) eta abar.

Santutegia XVI. mendekoa da eta balio artistiko handiko elementuak ditu, esate baterako, urbe­deinkatu-ontzi gotikoa, egikera gotiko aparta duen Ama Birjinaren irudi fina, grabatu astrolatikoak, koruaren euskarri den zureriako grabatuak.

E. Urkiazelai

Zonalde idilikoa da, landa-bazkariak egiteko egokia. Bertan mahaiak, mendi-aterpe partikular bi eta, errepide ondoan kokaturik, Mando iturria dago.

F. Trikuharrien ibilbidea

Kortazarreko Hai­tzean Irukurutzeta gainean bukatzen den mendiz mendiko ibilaldi ederra has­ten da.

Hona hemen toki hau bisitatzeko hainbat arrazoi: ia ibilbide osoan belarra, bi guneen arteko altuera-alde txikia (50 metro inguru 6 kilometroko ibilbidean), ikusten den paisaia zoragarria, ibilbidean zehar dauden historiaurreko trikuharri eta tumuluak etab.; trikuharriok egoki seinalez­tatu ditu Aranzadi Zientzia Elkarteak.