Ibilbideak (eu)

Soraluzek aukera asko eskaintzen ditu ibilbideak egiteko: natura edota istoria ezagutu, kirola egin, arteaz gozatu edo, besterik gabe, pasiatu.

Gehienak oinez egitekoak dira, baina badaude bizikletaz egitekoak edo automobila behar dutenak.

Natura ezagutzeko ibilbideak

• Dolmenen ibilbidea (automobila behar da). Mendigainean zehar, zerua eta itsasoaren artean, bertako megalitoak bisitatzeko aukera ematen du.
• Sagar-errekako ibilbidea. Sagar-errekaren barrena, bertako baserri, burdinola, presa, iturri, ermita... ezagutzeko aukera paregabea.
• Osintxuko ibilbidea. Trenbide zaharraren bidetik, lau lau, Osintxuraino eta harutzago eramaten du bide honek. Deba ibaiaren soinuaz gozatzeaz gain, burdinolen aztarnak eta kuxin labak ikusteko aukera dago.
• Maltzagako ibilbidea. Deba ibaitik berrogetamar metro goragotik, Irure auzoko ikuspegi ederra eskaintzen du.

Ondarea ezagutzeko ibilbideak

• Sumendi eta laben ibilbidea (automobila behar da). Soraluzeren iragan bolkanikoaren aztarnak ezagutzeko: kuxin labak, sumendia...
• Dolmenen ibilbidea (automobila behar da). Mendigainean zehar, zerua eta itsasoaren artean, bertako megalitoak bisitatzeko aukera ematen du.
• Hiri aztarnak ibilbidea. Herri kaskotik irten gabe, Soraluze sortu zeneko (1343) aztarnak topatzeko.
• Egur landuaren ibilbidea (automobila behar da). Soraluzen oraindik gordetzen diren egurrezko eraikuntzaren ale paregabeak ezagutzeko ibilbidea.
• Aro Modernoaren ibilbidea. Herri kaskotik irten gabe, Soraluzeren garai oparoenen eraikinak bisitatzeko.
• Armagintza I ibilbidea. Soraluzeren armagintzaren lekukoak, Olearako bidean.
• Armagintza II ibilbidea. Soraluzeren armagintzaren lekukoak, Sagar-errekarako bidean.
• Plaza Barriko iturriaren ibilbidea. Ipinarrieta baserriraino ibilbidea, Plaza Barriko iturriaren akudeduktuaren bidez.

Kirola egiteko ibilbideak

• Soraluze - Azurtza ibilbidea (oinez edo mendiko bizikletaz).
• Soraluze - Kortazar ibilbidea (oinez edo mendiko bizikletaz).
• Soraluze - Krabelin-aitz ibilbidea (oinez edo mendiko bizikletaz).
• Plaza Barriko iturriaren ibilbidea (oinez edo mendiko bizikletaz).
• Osintxuko ibilbidea. Trenbide zaharraren bidetik, lau lau, Osintxuraino eta harutzago eramaten du bide honek. Korrika egiteko oso aproposa.
• Bahnstrassenradwege: Antzuola-Soraluze lehengo trenbidetik (mendiko bizikletaz).

Erreferentziak

• Soraluze inguruetako ibilaldiak. Soraluzeko Kirol Bazkuna (Debabarreneko Aisialdia eta Turismoaren Mahaia 1993).