Frontoiak (eu)

Historia

Mendeetan zehar Soraluzek hainbat frontoi izan ditu, publiko zein pribatuak. Gaur egun 6 frontoi daude herrian, inoiz baino gehiago.

Mendiko frontoia?

Mendigainean bada toki zelai bat Iruiya parean, zabalgune lau-laua, lurrean harri laua ozta-ozta agertzen dela.

Aintzinako artzaien pilota jolasekin lotuz, batzuk ikusi nahi izan dute bote luzearen esparrua; eta bertako harria landutakoa izango zen lurrearen parean uzteko, horrela sake harri moduan erabiltzeko.

Dena den, ideia soila da, ez dago aldeko zein kontrako inolako argumenturik.

XX mende arteko frontoiak

Herriko frontoi zaharrena, agian, labana izango zen. Ez dago garbi pilotan noiztik erabiltzen de pilotan egiteko, XVI mendetik (eliza bukatu zutenetik, eliz atari zaharra eta guzti) edo XVIII mendetik (1666 urtean eliz atari berria egin zutenetik). Dena dela, oso frontoi txikia zen, azken urteetan umeek besterik ez zutela erabiltzen.

Beste frontoi bat Plaza Zaharraren gainean zegoen, Erregetxea egiterakoan (1804-1809) bota zutena. Ez dakigu zer nolakoa izango zen, bote luzea edo bote motzekoa. 2005 urtea egindako indusketek ez zuten frontoiaren aztarnarik topa.

Eta XVIII mende bukaeran errebote-frontoia eraiki zuten, Santa Maria la Real parrokiaren hegoaldean, bote luzean aritzeko. Frontoia egiteko dirua bi familiak jarri zuten, Egizabaldarrek (indianoak) eta Aldasorotarrek; proiektua Miguel Antonio de Jaureguik egin zuen, 1788. urtean.

XX mendearen lehen erdiko frontoiak

XX menderako errebotea ahaztuta zegoen Soraluzen. Baina erreboteko eremu txikia, hiru aldetik hormak zituela, frontoi moduan erabiltzen zen.

Maristek bere ikastetxea eraiki zutenean (1910 hamarkadan), azpiko patioan frontoi txiki bat egin zuten, estalia. Elizburutik tren geltokira zihoazten eskilaren parea hain zuzen. Frontoi hau ikastetxearekin batera bota zuten, 1968 urte inguruan.

Hamar bat urte geroago, 1923 urtean, Sesma frontoia eraiki zuten Txaran, pilotari profesionalak aritzeko asmoekin. Baina Soraluze txikia zela, eta frontoiak zuen irisgarritasun eskasa zela, frontoiak ez zuen egin pentsatutako bidea. Saihesbidea egiterakoan bota zuten, 1984 urtean.

Urte hauetan ere San Andres ermitaren aurreko ataria osatu zuten, eta auzokoek frontoi moduan erabili izan dute gaur eguneko frontoi berria egin arte.

Azkenik, 1932 urtean Batzokia egin zutenean Ur gain frontoia egin zuten azpian, Plaza Zaharra eta Deba ibaiaren arteko altura aprobetxatuz. Oraindik bizirik dago.

XX mendearen bigarren erdiko frontoiak

Giza eskubideen plazako frontoia

Udal frontoia estali

Goiko frontoia

San Andreseko frontoia

Arane kiroldegiko frontoia

Kokapena

Mapan agertzen dira Soraluzek dituen (gorriz) eta izan dituen frontoiak (urdinez). Mapatik kanpo San Andreseko frontoiak geratzen dira.

Mapa kargatzen...

{"type":"ROADMAP","minzoom":false,"maxzoom":false,"types":["ROADMAP","SATELLITE","HYBRID","TERRAIN"],"mappingservice":"googlemaps3","width":"1000px","height":"800px","centre":false,"title":"","label":"","icon":"","lines":[],"polygons":[],"circles":[],"rectangles":[],"copycoords":false,"static":false,"visitedicon":"","wmsoverlay":false,"zoom":false,"layers":[],"controls":["pan","zoom","type","scale","streetview","rotate"],"zoomstyle":"DEFAULT","typestyle":"DEFAULT","autoinfowindows":false,"resizable":false,"kmlrezoom":false,"poi":true,"cluster":false,"clustergridsize":60,"clustermaxzoom":20,"clusterzoomonclick":true,"clusteraveragecenter":true,"clusterminsize":2,"imageoverlays":[],"kml":[],"gkml":[],"searchmarkers":"","fullscreen":false,"scrollwheelzoom":false,"locations":[{"text":"\u003Cdiv class=\"mw-parser-output\"\u003E\u003Cp\u003EErregetxeko frontoia\n\u003C/p\u003E\u003C/div\u003E","title":"Erregetxeko frontoia\n","link":"","lat":43.175028,"lon":-2.413039,"icon":"/images/6/6f/Blue_marker.png"},{"text":"\u003Cdiv class=\"mw-parser-output\"\u003E\u003Cp\u003E\u003Ca href=\"/wiki/Labana_(eu)\" title=\"Labana (eu)\"\u003E Labana\u003C/a\u003E\n\u003C/p\u003E\u003C/div\u003E","title":" Labana\n","link":"","lat":43.17435,"lon":-2.412632,"icon":"/images/6/6f/Blue_marker.png"},{"text":"\u003Cdiv class=\"mw-parser-output\"\u003E\u003Cp\u003E\u003Ca href=\"/wiki/Errebote-frontoia_(eu)\" title=\"Errebote-frontoia (eu)\"\u003E Errebote frontoia\u003C/a\u003E\n\u003C/p\u003E\u003C/div\u003E","title":" Errebote frontoia\n","link":"","lat":43.173784,"lon":-2.412506,"icon":"/images/6/6f/Blue_marker.png"},{"text":"\u003Cdiv class=\"mw-parser-output\"\u003E\u003Cp\u003EUdal frontoi estalia\n\u003C/p\u003E\u003C/div\u003E","title":"Udal frontoi estalia\n","link":"","lat":43.173579,"lon":-2.412385,"icon":""},{"text":"\u003Cdiv class=\"mw-parser-output\"\u003E\u003Cp\u003E\u003Ca href=\"/wiki/Maristen_ikastetxea_(eu)\" title=\"Maristen ikastetxea (eu)\"\u003E Maristen frontoia \u003C/a\u003E\n\u003C/p\u003E\u003C/div\u003E","title":" Maristen frontoia \n","link":"","lat":43.174471,"lon":-2.41213,"icon":"/images/6/6f/Blue_marker.png"},{"text":"\u003Cdiv class=\"mw-parser-output\"\u003E\u003Cp\u003E\u003Ci\u003ESesma\u003C/i\u003E frontoia\n\u003C/p\u003E\u003C/div\u003E","title":"Sesma frontoia\n","link":"","lat":43.174674,"lon":-2.41537,"icon":"/images/6/6f/Blue_marker.png"},{"text":"\u003Cdiv class=\"mw-parser-output\"\u003E\u003Cp\u003E\u003Ca href=\"/wiki/Batzokia_(eu)\" title=\"Batzokia (eu)\"\u003E \u003Ci\u003EUr gain\u003C/i\u003E frontoia\u003C/a\u003E\n\u003C/p\u003E\u003C/div\u003E","title":" Ur gain frontoia\n","link":"","lat":43.175069,"lon":-2.413715,"icon":""},{"text":"\u003Cdiv class=\"mw-parser-output\"\u003E\u003Cp\u003E\u003Ca href=\"/index.php?title=Giza_eskubideen_plaza_(eu)\u0026amp;action=edit\u0026amp;redlink=1\" class=\"new\" title=\"Giza eskubideen plaza (eu) (orria ez da existitzen)\"\u003E Beheko frontoia\u003C/a\u003E\n\u003C/p\u003E\u003C/div\u003E","title":" Beheko frontoia\n","link":"","lat":43.17344,"lon":-2.412361,"icon":""},{"text":"\u003Cdiv class=\"mw-parser-output\"\u003E\u003Cp\u003EGoiko frontoia\n\u003C/p\u003E\u003C/div\u003E","title":"Goiko frontoia\n","link":"","lat":43.173663,"lon":-2.412125,"icon":""},{"text":"\u003Cdiv class=\"mw-parser-output\"\u003E\u003Cp\u003E\u003Ca href=\"/wiki/Arane_kiroldegia_(eu)\" title=\"Arane kiroldegia (eu)\"\u003E \u003Ci\u003EArane\u003C/i\u003E kiroldegiko frontoia\u003C/a\u003E\n\u003C/p\u003E\u003C/div\u003E","title":" Arane kiroldegiko frontoia\n","link":"","lat":43.17497,"lon":-2.414474,"icon":""}]}

Frontoiak

Erregetxeko frontoia

Seguru asko, herriko frontoi zaharrena Erregetxe orubean egon zena izan zen; Plaza Zaharraren gainean, hain zuzen.

Frontoia bota zuten Erregetxea egiteko, 1804 urtean. Ordurako frontoi berria egina zegoen (proiektua, Miguel Antonio de Jaureguik egindakoa, 1788 urtekoa da). Frontoi berri hau errebote-frontoia izanik, erregetxeko frontoia ere errebote-frontoia izango zen.

Gaur egun ez da inolako aztarnarik geratzen. Erregetxea 1975 urtean bota zuten, eta 2004an zundaketa arkeologikoak egin zituzten, Alfredo Moraza Barea-ren gidaritzapean. Honek Erregetxe orubea artikuluan jaso zuenez:

Hala eta guztiz ere, interbentzio arkeologikoak ez zuen Erregetxe eraikina eraiki baino lehenagoko okupazioaren zantzurik eskaini. Beraz, 1804. urte inguruan fabrika birgaitzeko bururatutako obrek lehenagoko maila betikoz galarazi zutela pentsatzen dugu.

Labana (eliz ataria)

Gehiago jakiteko, sakatu hemen.

Frontoi moduko hau parrokiaren eliz atarian zegoen, ezkerreko aldean, ate txikiaren ondoan.

Bertako harlauzak desberdinak dira, labanak, tokiaren izenak berak esaten duenez. Nahiz eta harmaila bat izatea buelta osoan, umeek frontoi moduan erabili izan oi dute, gehien bat motxailadatan aritzeko.

Eliza ataria zaharberritu zutenean harmaila kendu eta zorua ere berriztu zuten, gaur egungoa labana ez dela.

Errebote-frontoia ia osorik zenean

Errebote-frontoia edo udal frontoia

Gehiago jakiteko, sakatu hemen.

XVIII mende bukaeran errebote-frontoia eraiki zuten Soraluzen, errebote luzean aritzeko. Proiektua Miguel Antonio de Jaureguik egin zuen, 1788 urtean; eta frontoia egiteko dirua bi familiak jarri zuten, Egizabaldarrek (indianoak) eta Aldasorotarrek.

Frontoia parrokiaren hegoaldean eraiki zuten. 17 bat metrotako zabalera zuen, eta luzeeran bi eremutan banatuta zegoen, 53 eta 11 metrotakoak.

Urteekin errebotea jokatzeari laga egin zitzaion, eta XX mendean beste kirol erabilerak izan ditu (esku pilota, eskubaloia, fulbitoa, saski baloia...), eta nonek ekarri du frontoiaren desitxuraketa: pasamarrarik ez dago, sake harria desagertu zen, harmaila gehienak ere bota zituzten... eta errebotearen oroitzapena ere aspaldi desagertu zen herrian.

Maristen ikastetxea. Planoa

Maristen frontoia

Gehiago jakiteko, sakatu hemen.

Maristak Soraluze etorri ziren 1909 urtean, eta 1912-1913 urte inguruan ikastetxe berria zabaldu zuten.

Ikastetxea parrokia eta tren geltokiaren artean eraiki zuten, eta bi mailatan antolatuta zegoen. Goikoan ikasgelak eta beraien etxebizitza zeuden, eta behekoan patioa eta estalitako pilota frontoi txiki bat.

Sesma frontoia atzekaldean

Sesma frontoia

Sesma frontoia 1923 urtean zabaldu zen, Txaran, eta bertara joateko eskilara luze aldapatsua igo behar zen, Errabal eta Baltegieta arteko puntutik abiatzen zirenak. Frontoiaren bi pareta kendutak, egurrezko egitura zuen.

Hasierako urteetan profesionalen arteko partiduak ere jokatzen zituzten bertan, baina Soraluze herri txikia izanik, eta frontoia irisgarritasun eskasa zuenez, ez zuen bide luzerik egin. Esaten dutenez, Atano III.a azkoitiar pelotari ezagunak han entrenatzen omen zuen, Soraluzen lanean jardun zuen garaian.

Herriko saihesbidea bertatik pasa behar zuela eta, 1983 urtean eraitsi zuten.

Ur gain frontoia

Gehiago jakiteko, sakatu hemen.

Ur gain frontoia herriko batzokian dago.

1932 urtean batzokia eraiki zutenean, Plaza Zaharraren albo batean egin zuten, Deba ibaiaren aldera. Plaza eta ibaiaren artean altura handia dagoenez, Batzokia plazaren parean egiteko egitura handia jaso izan behar zuten azpian. Egitura honetan, besteak beste, frontoia egin zuten.

Ez da oso frontoi handia, baina nahikoa polita eta, ibaiaren aldean dagoenez, argitasun oparoa du. Trinketea ez bada ere, baditu ezaugarri pare bat. Alde batetik, ezkerreko paretaz gain eskumako "pareta" dauka, ibai aldeko leihoak egiten dutena; gainera, atzeko aldean egurrezko solairua dauka altuan, ikusleentzako.

(handitzeko, sakatu gainean)

• 

  Batzokia, zubia eta kiroldegia

• 

  Ur gain frontoiaren kantxa.jpg

• 

  Ur gain frontoiaren solairua.jpg