Biztanleak. Guztira (eu)
Datuak: auzotarrak
Biztanleei buruzko datu zaharrenak ez dituzte biztanleak zenbatzen, auzotarrak edo familiak baizik; edo, hobeto esateko, familiaburuak. Geroago bi datuak agertzen dira, elkarrekin.
Dena dela, familiaburu eta biztanleen artean 5eko ratioa izaten zenez, errez kalkula dezakegu biztanleen kopurua.
Urtea Auzotarrak Biztanleak Iturria 1606 200 (Ramiro Larrañaga) 1645 300 Población general de España 1826 353 1.800 Diccionario de Miñano 1845 360 1.812 Diccionario de Madoz 1917 507 2.230 Geografía de Guipúzcoa
Datuak: biztanleak
Urtea Biztanleak Iturria 1766 1.356 Soraluze. Monografía histórica 1787 2.043 Debarroko oasi liberala 1826 1.800 Diccionario de Miñano 1845 1.812 Diccionario de Madoz 1853 1.700 Guide du voyageur 1858 2.178 Debarroko oasi liberala 1862 2.153 Diccionario de Gorosabel 1867 2.153 Guía-álbum del viagero 1877 2.000 Guide du voyageur en Guipuzcoa 1890 1.858 Espagne et Portugal 1900 2.108 Eustat 1910 2.330 Eustat 1917 2.230 Geografía de Guipúzcoa 1920 2.624 Eustat 1930 3.007 Eustat 1935 3.094 Udal akta liburua (1937) 1940 3.019 Eustat 1950 3.491 Eustat 1960 4.906 Eustat 1970 5.639 Eustat 1975 5.989 Eustat 1981 5.423 Eustat 1986 5.259 Eustat 1991 4.642 Eustat 1996 4.430 Eustat 2001 4.165 Eustat 2006 4.016 Eustat 2011 3.942 Eustat 2016 3.877 Eustat 2019 3.937 Eustat
Bilakaera
XVIII mende erdialdetik XIX mende bukaera arte (150 urte, gutxi gora behera) Soraluze 2.000 lagunen bueltan ibili da. Inguruko herriekin alderatuta, Soraluzen kaleak duen indarra nabarmendu beharko da: biztanleen hiru laurden pasatxo bertan (ez baserrietan) eta bertatik (lanbide industrialak) bizi dira. Baserrietan bizi ziren asko eta asko ere armaginak ziren, nekazaritzan jardun gabe. Honen oinarrian bi arrazoi nagusi daude: lur eskasak nekazaritzako eta 1572etik Erret Arma Lantegiak bertan egotea.
XIX mende bukaeran 2.000 biztanleko langa pasatzen du azkeneko aldiz, mendea 2.100 biztanleekin hasita. Hortik aurrera, 1915-1930 tartean 3.000 biztanlera modu jarraian igo ba zuen ere, hurrengo hamarkadan geldialdia izan zen, gerra eta gerraostearengatik.
1940 urtetik 1975 arte hazkundea azeleratu zen, batez ere 1950-1960 epean. Industriaren arrakastarengatik inmigrazioa oso altua izan zen, eta biztanleen kopurua bikoiztu zen: 1975 urtean Soraluzek goia jo zuen, ia 6.000 biztanle izan zituela.
1973 urteko krisiak herria irauli zuen. Industri lanpostuak 1.400etik 400era jaitsi ziren, eta jendea herritik alde egiten hasi zen: gazteak lan bila eta etorkin jubilatu asko beraien herritara bueltan.
Hurrengo hogei urtetan Soraluzek 2.000 biztanle galdu zituen. 2006tik aurrera galera askoz txikiagoa da, eta biztanle kopurua 4.000 inguruan dago.
Erreferentziak
- Datuen Excela ekartzeko Biltegi digitalera joan.
- EUSTAT. Biztanleriaren eta Etxebizitzen Zentsua.