Ramiro Larrañaga Arma Museoa (eu)

Ramiro Larrañaga

Azken bostehun urteetan Soraluzen miloika arma egin dira, zuriak zein suzkoak, luzeak zein motzak zein kainoiak.

Soraluzeko armagintza historia ezagutzeko, sakatu hemen

Eta ekoiztutako armei buruz jakiteko, sakatu hemen

Egindako arma gehienak suntsitu dira, baina oraindik ehundaka gordetzen dira: Eibarko Armagintza Museoan multzo ederra, inguruko museoetan beste batzuk, eta bilduma pribatuetan asko eta asko.

Gaur eguneko teknologia digitalei esker, Ramiro Larrañaga Arma Museoa izeneko honek arma horietako asko biltzen eta sailkatzen ditu, era birtualean bada ere.

Modu honetan edozeinek, soraluzetarra izan ala ez, Soraluzen memoria historikoan zehar ibilbidea egiteko aukera dauka, herri honek landu dituenak gozatzeko eta hainbat mendeetan gure aurrekoek aurrera egiteko gauza izan direla jabetzeko.

Gelak

Museoan jasotako armak hainbat "gelatan" antolatuta daude, aintzinatasuna eta arma motaren arabera. Bertara sartzeko, sakatu izenen gainean (ez irudieran):

Mendeak	Arma luzeak	Arma motzak	Kainoiak	Teknologiak
XVI-XVII	Arkabuz eta mosketeak			Aurrekarga armak Argimukizko giltza Errobera giltza Aurrekarga jaurtigaiak
XVII-XIX	Txispa-fusilak	Txispa-pistolak		Aurrekarga armak Suharri edo txispa-giltza Aurrekarga jaurtigaiak
XIX	Pistoi-fusilak	Pistoi-pistolak		Aurrekarga armak Pistoi-giltza Aurrekarga jaurtigaiak
XIX-XX	Atzekarga fusilak	Atzekarga pistolak eta errebolberrak	Kainoiak (1935 artekoak)	Atzekarga armak Atzekarga jaurtigaiak
XX	Ehiza-eskopetak eta karabinak		Kainoiak (1935tik aurrera)	Eskopetak

Ibilbideak

Ibilbide historiko osoaz gain, museoak ibilbide tematikoak eskaintzen ditu:

• Suzko arma luzeak: lehen zutabeko gelak.
• Suzko arma motzak: bigarren zutabeko gelak.
• Kainoiak: hirugarren zutabeko gelak.
• XIX eta XX mendeko tailer txikiak: lehen bi zutabetako azken bi gelak.
• Teknologia: horizontalean.

Eibarko Armagintza Museoa

Sarrera nagusia: Eibarko armagintza museoa

Eibarko Armagintza Museoak Soraluzen egindako 18 arma gorde eta erakusten dira: 2 txispa-fusil, 4 fusil pistoi giltza dutenak, 7 atzekargako arma luze eta 5 pistola, bostak aurrekargakoak.

Bildumaren osaketak ondo erakusten du Soraluzek arma luzetan izan zuen garrantzia, eta ez honenbeste arma motzetan.

Ramiro Larrañaga Fernández de Arenzana

Sarrera nagusia: Ramiro Larrañaga.

Armagile familiakoa, bera ere grabatzailea izan zen.

Jakinminak bultzatuta, herriko historia ikertzen eta zabaltzen hasi zen; eta aurki konturatu zen Soraluzeko armagintzak munduan izan zuen eraginaz. Orduan Euskal Herriko armagintza landu gabe zela, berak zabaldu zuen bidea, ikertzaile porrokatua bihurtuta. Laneko bi ardatz horietan, Soraluzeko historia zein Euskal Herriko armagintzan, berak sortutakoak ezinbestekoak dira oraindik.

Bere eragina oraindik nabarmentzen da Soraluzen, bertako identitatea sendotzen lagundu zuen bere liburu eta artikuluekin eta.