Herriko iturriak (eu)

Mendietako iturriak ikusteko, sakatu hemen.

Soraluzeri buruz idatzi zutenek behin baino gehiagotan esan zuten baserrietako iturrien ura oso ona zela, baina kalekoena gutxi eta kalitate eskasekoa. 1826-1829 urteetan Madrilen argitaratutako Diccionario geográfico-estadístico de España y Portugal liburuak, Sebastian de Miñanok eginda, esaten du:

Ur edangarri gozo oparoak ditu, ez herri kaskoan, baina bai baserrietan, bakoitzak bere iturria duela.

Plaza Barriko iturria (Soraluzeko Udala 2018)

Herriko iturri zaharrenak

Hasiera baten, eta herria oso handia ez zenez, bertako iturriak gutxi ziren:

• Plaza Zaharreko iturria. Aurretik nun zegoen ez badakigu ere, 1804-1809 urteetan Erregetxea egin zutenean hormaren erdi erdian jarri zuten.
• Errabaleko iturria. Erregetxe zaharraren aurrekaldean zegoen. Bertara zetozen mando eta zaldientzat egokia, aska ederra zuen baina iturririk ez, ura menditik zuzenean sartzen zen, eta harri handi bat zuen emari handiak frenatzeko.
• Errekaldekoa. Herlaibiako iturria zen, Erlei errekaren ertzean, Atxuri eta Errekalde artean. Berez, Atxuri kaleak dago. 1690 urtean berriztu zuten, gaurko forma emanez. Geroztik, errepidea altxatu dutenez iturria ere altxatu izan dute.
• Aranekoa. Iturburuari izena ematen diona.

Sebastian de Miñanok esan zuen moduan, iturri hauek oso emari eskasekoak ziren, eta dira.

Plaza Barriko iturri berria

1809 urtean Erregetxe berria erabiltzen hasi ziren, baina Erregetxe zaharrak ez bezala, honek ez zuen inguruan ez ganorazko iturririk, ez eta askarik, eta mandozainentzat arazoa izaten zen.

1820 hamarkada bukaeran iturri berria egiteko asmoa sortu zen. Bultzatzaile nagusienetako bat Ambrosio Maria de Aldasoro jauna izan zen. Aurretik alkatea izan zen, eta 1831 urtean, Udalak Plaza Barriko iturria eraikitzea erabaki zuenean, alkateordea. Eta halaxe esan zuen orduko Udal bileran:

...edateko ur faltak herritarren artean sortutako beharra hain handia izanik, eta kontuan hartuta Arane iturriak oso ur gutxi ematen duela eta Errekaldekoa kalitate oso txarrekoa dela eta, medikuaren esanetan, edanez gero gaixotzeko arriskua dagoela, ona litzateke herriarentzat Ipiñarrieta baserritik gertu dagoen iturburua aprobetxatzea.

Urte hartan hasi eta bukatu egin zituzten bai Ipiñarrietatik zetorren ubidea, baita Plaza Barriko iturria ere.

Bertako iturria hornitzeaz gain, ekarritako ura beste iturri eta labadero hornitzeko erabili zuten: Zubi Nagusiko alboan eraiki zuten labadero berrira, Gabolatseko iturri eta labadero berrietara, eta Andikokalera, Zubi Nagusiaren beste ertzean egin zuten iturrira. Gerora (1894 urtean) Elizburuko iturria ere Ipiñarrietako urez hornitu zuten.

XIX-XX mende bueltako iturriak

XX mendearen bueltan iturri berri bat egin zen, eta beste bat konpondu:

• Elizburukoa. 1894 urtean iturria jarri zuten gurutzearen alboan, kaleko biztanleek ordainduta, etxetik gertu ura izateko. Ipiñarrietatik zetorren ura erabili zuten.
• Gerra ostean, The Placencia de las Armas Company Limited enpresak Benta-zarra bota zuen, fabrika berriaren aurrean biltegiak egiteko. Inguruan zegoen iturria konpondu zuten eta zuhaitzak sartu ere.

Azken urteetako iturriak

Inguruko herri guztien antzera, 1950-60 hamarkadatan Soraluze asko hazi zen. Etxe berri asko eraiki ziren, eta hainbat iturri berri ere. Eta inoiz iturri zaharrak desagertu egin dira:

• 1950. hamarkadan Gabolats 13ko etxea eraikitzerako, Altun erreka estali, bertako garbitegia bota zuten, eta iturria berreraiki etxe azpian. XXI mende hasieran, Altun erreka berriro agerian jarri zuten eta iturria pare bat metro mugitu.
• 1960. hamarkadan Soraluze Kirol Bazkunak Ospital iturria berregin zuen. Sagar-errekako iturri hau jubilatuen helburua izaten zen, beraien ibileratan.
• 1967 urtean, Zubi Nagusia zabaltzearekin batera, Andikokaleko iturria Zubi Nagusira ekarri zuten.
• Ezozibidean, bertako auzo berria urez hornitzeko.
• Igaraten, Sagar-errekan hasieran, metal-ura zuen iturria zegoen. Saihesbidea egiterakoan (1985) desagertu zen.
• XX mende bukaeran Gol enpresa zabaldu zutenean, Errotabarri bota eta leku hartan iturri berria jarri zuten.
• Urte haietan ere Errabaleko iturria itxi eta desagertarazi zuten.
• Azkenik, XXI mende hasieran egindako edo atondutako parke gehienetan bere iturria jarri dute: Atxuri, Arraikua, Sagar-erreka, Txurruken, Arrizabaleta, Olea...

(Handiago ikusteko, sakatu gainean)

• 

  Errekaldeko iturria
  (J.C. Astiazarán 2019)

• 

  Errekaldeko iturria eta Atxuri parkea
  (Kontrargi 2018)

• 

  Atxuri parkeko iturria
  (J.C. Astiazarán 2019)

Kokapena

(Urdinez, desagertutako iturriak)

Mapa kargatzen...

{"type":"ROADMAP","minzoom":false,"maxzoom":false,"types":["ROADMAP","SATELLITE","HYBRID","TERRAIN"],"mappingservice":"googlemaps3","width":"auto","height":"600px","centre":false,"title":"","label":"","icon":"","lines":[],"polygons":[],"circles":[],"rectangles":[],"copycoords":false,"static":false,"visitedicon":"","wmsoverlay":false,"zoom":16,"layers":[],"controls":["pan","zoom","type","scale","streetview","rotate"],"zoomstyle":"DEFAULT","typestyle":"DEFAULT","autoinfowindows":false,"resizable":false,"kmlrezoom":false,"poi":true,"cluster":false,"clustergridsize":60,"clustermaxzoom":20,"clusterzoomonclick":true,"clusteraveragecenter":true,"clusterminsize":2,"imageoverlays":[],"kml":[],"gkml":[],"searchmarkers":"","fullscreen":false,"scrollwheelzoom":false,"locations":[{"text":"\u003Cdiv class=\"mw-parser-output\"\u003E\u003Cp\u003EPlaza Zaharreko iturria\n\u003C/p\u003E\u003C/div\u003E","title":"Plaza Zaharreko iturria\n","link":"","lat":43.175072,"lon":-2.413231,"icon":""},{"text":"\u003Cdiv class=\"mw-parser-output\"\u003E\u003Cp\u003EErrabal kaleko iturria\n\u003C/p\u003E\u003C/div\u003E","title":"Errabal kaleko iturria\n","link":"","lat":43.173456,"lon":-2.413748,"icon":"/images/6/6f/Blue_marker.png"},{"text":"\u003Cdiv class=\"mw-parser-output\"\u003E\u003Cp\u003EErrekalde kaleko iturria\n\u003C/p\u003E\u003C/div\u003E","title":"Errekalde kaleko iturria\n","link":"","lat":43.172263,"lon":-2.411703,"icon":""},{"text":"\u003Cdiv class=\"mw-parser-output\"\u003E\u003Cp\u003EAraneko iturria\n\u003C/p\u003E\u003C/div\u003E","title":"Araneko iturria\n","link":"","lat":43.175229,"lon":-2.414519,"icon":""},{"text":"\u003Cdiv class=\"mw-parser-output\"\u003E\u003Cp\u003E\u003Ca href=\"/wiki/Plaza_Barriko_iturria_(eu)\" title=\"Plaza Barriko iturria (eu)\"\u003EPlaza Barriko iturria\u003C/a\u003E\n\u003C/p\u003E\u003C/div\u003E","title":"Plaza Barriko iturria\n","link":"","lat":43.174429,"lon":-2.412988,"icon":""},{"text":"\u003Cdiv class=\"mw-parser-output\"\u003E\u003Cp\u003EGabolatseko Barriko iturria\n\u003C/p\u003E\u003C/div\u003E","title":"Gabolatseko Barriko iturria\n","link":"","lat":43.176402,"lon":-2.413667,"icon":""},{"text":"\u003Cdiv class=\"mw-parser-output\"\u003E\u003Cp\u003EAndikokaleko iturria\n\u003C/p\u003E\u003C/div\u003E","title":"Andikokaleko iturria\n","link":"","lat":43.174,"lon":-2.413912,"icon":"/images/6/6f/Blue_marker.png"},{"text":"\u003Cdiv class=\"mw-parser-output\"\u003E\u003Cp\u003EElizburuko iturria\n\u003C/p\u003E\u003C/div\u003E","title":"Elizburuko iturria\n","link":"","lat":43.17447,"lon":-2.412226,"icon":""},{"text":"\u003Cdiv class=\"mw-parser-output\"\u003E\u003Cp\u003EKa\u00f1oi fabrikaren iturria\n\u003C/p\u003E\u003C/div\u003E","title":"Ka\u00f1oi fabrikaren iturria\n","link":"","lat":43.177102,"lon":-2.416502,"icon":""},{"text":"\u003Cdiv class=\"mw-parser-output\"\u003E\u003Cp\u003EZubi Nagusiko iturria\n\u003C/p\u003E\u003C/div\u003E","title":"Zubi Nagusiko iturria\n","link":"","lat":43.173998,"lon":-2.413643,"icon":""},{"text":"\u003Cb\u003E\u003Cdiv class=\"mw-parser-output\"\u003E\u003Cp\u003E\u003Ca href=\"/wiki/Ospital_iturria_(eu)\" title=\"Ospital iturria (eu)\"\u003E Ospital iturria\u003C/a\u003E\n\u003C/p\u003E\u003C/div\u003E\u003C/b\u003E\u003Cdiv class=\"mw-parser-output\"\u003E\u003Cp\u003EKukupe / Zaharrena\n\u003C/p\u003E\u003C/div\u003E","title":" Ospital iturria\n","link":"","lat":43.172492,"lon":-2.425508,"icon":""},{"text":"\u003Cdiv class=\"mw-parser-output\"\u003E\u003Cp\u003EEzozibideko iturria\n\u003C/p\u003E\u003C/div\u003E","title":"Ezozibideko iturria\n","link":"","lat":43.177905,"lon":-2.415922,"icon":""},{"text":"\u003Cdiv class=\"mw-parser-output\"\u003E\u003Cp\u003ESagar-errekako iturria\n\u003C/p\u003E\u003C/div\u003E","title":"Sagar-errekako iturria\n","link":"","lat":43.177138,"lon":-2.420318,"icon":""},{"text":"\u003Cdiv class=\"mw-parser-output\"\u003E\u003Cp\u003EErrotabarriko iturria\n\u003C/p\u003E\u003C/div\u003E","title":"Errotabarriko iturria\n","link":"","lat":43.176431,"lon":-2.420688,"icon":""},{"text":"\u003Cdiv class=\"mw-parser-output\"\u003E\u003Cp\u003ETxurrukeneko iturria\n\u003C/p\u003E\u003C/div\u003E","title":"Txurrukeneko iturria\n","link":"","lat":43.170173,"lon":-2.407845,"icon":""},{"text":"\u003Cdiv class=\"mw-parser-output\"\u003E\u003Cp\u003EAtxuri parkeko iturria\n\u003C/p\u003E\u003C/div\u003E","title":"Atxuri parkeko iturria\n","link":"","lat":43.172194,"lon":-2.411985,"icon":""},{"text":"\u003Cdiv class=\"mw-parser-output\"\u003E\u003Cp\u003EArrizabaletako iturria\n\u003C/p\u003E\u003C/div\u003E","title":"Arrizabaletako iturria\n","link":"","lat":43.178334,"lon":-2.417595,"icon":""},{"text":"\u003Cdiv class=\"mw-parser-output\"\u003E\u003Cp\u003EArraikuako iturria\n\u003C/p\u003E\u003C/div\u003E","title":"Arraikuako iturria\n","link":"","lat":43.175974,"lon":-2.413005,"icon":""},{"text":"\u003Cdiv class=\"mw-parser-output\"\u003E\u003Cp\u003EOleako iturria\n\u003C/p\u003E\u003C/div\u003E","title":"Oleako iturria\n","link":"","lat":43.170763,"lon":-2.407312,"icon":""},{"text":"\u003Cdiv class=\"mw-parser-output\"\u003E\u003Cp\u003EIgarateko iturria\n\u003C/p\u003E\u003C/div\u003E","title":"Igarateko iturria\n","link":"","lat":43.177782,"lon":-2.420388,"icon":"/images/6/6f/Blue_marker.png"}]}