Kutxagile gremioa (eu)

Es el Gremio de cajeros compuesto de 77 Maestros que tienen asiento. Estos son los que arman en sus cajas el cañón, llave y aparejos, recibiendo del apoderado general de la Asienta los cañones y llaves probados y examinados. De éstos depende que un arma quede bien asegurada y perfectamente acabada, porque son hombres (como deben ser) de toda confianza.

Armagintza gremioetako bat zen. Besteak kainoigile, aparejero eta aparejero gremioak ziren.

Lanaren azalpena

Kutxak (egurrezko piezak) lantzen zituzten, eta bertan kainoia, giltza eta aparejoak muntatzen zituzten. Kainoia, giltza eta aparejoak aurretik aztertuta zeuden (hau da,kalitate kontrola pasata).

Maisu gehienek bere laguntzailea zuen, baina ez denek. Bere lana mota zela eta, kutxagileek ez zuten forjarik erabiltzen.

Lan egiteko era

Florencio Josep de Lamot-en Mapa Topographica de Plasencia agertzen den irudiak oso ondo erakusten du lan egiteko era.

Lantegian kulata andana ikusten da, bukatuta eta ondo lerrokatuta beraien apaletan. Ofizial batek, mutilak lagunduta, beste batek ekarritako intxaur egurra pusketatan mozten du. Eta beste bi mahaietan ofizial bat fusil-kulata lantzen ari da, eta bigarrena pistoloi-kulata.

Arropak ere bitxiak dira: gerriko moduko amantal motza erabiltzen dute.

Maisu eta langile kopurua

Hiru momentuko datuak gordetzen dira:

• 1756 urtean Florencio Josepf de Lamot jaunak 77 maisu kutxagile aipatu zituen.
• XVIII mende bukaeran, 28 maisu zeuden Soraluzen, eta beste 43 inguruko herrietan (33 Eibarren, 1 Elgoibaren, 2 Ermuan, 7 Arrasaten).
• 1856 urtean Juan Cruz Fernández-ek jaso zuenez, 54 maisu zeuden Soraluzen, eta beste 42 Eibarren.

Honetaz gain, gogoratu behar da maisu gehienek bere laguntzailea zuela. Hala, XVIII mende bukaeran guztira 48 kutxagile zeuden Soraluzen, eta beste 82 inguruko herritan.