Hispaniae et Portugalliae Regna (eu)

Hispaniae et Portugalliae Regna per Nicolaum Visscher
Egilea	Nicolaes Visscher & Petrus Schenk
Urtea	1720/ 1740
Hiria	Amsterdam
Tamaina	46 x 56 zm

Mapa zertan den

Visscher familia Amsterdamen aritu zen XVII. mendean, artelan eta mapen salerosketan. Sortzailea C.J. Visscher (1587-1652) izan zen, eta hiltzerakoan Nicolaes semeak (1618-1679) gidatu zuen negozioa. Atlas minor izan zen bere lanen ezagunetakoa. Nicolaes zendu zenean, Nicolaes semea etorri zen. Eta azken hau hil zenean alargunak Pieter Schek-i saldu zion negozioa.

Gerroa, Petrus Schenk eta Reinier & Iosua Ottens inprimagileek Nicolaes Visscher-en Atlas minor hainbat alditan inprimitu zuten (1720, 1740...).

Izenburuaren orrialdea eta aurkibideaz gain, atlas honek 23 mapa ditu, bi orritara eta eskuz koloreztatuak: mapamundia, ipar hemisferioa, hego hemisferioa, kontinenteak (Europa, Asia, Afrika eta Amerika), Europako eskualdeak (Errusia barne) eta Lur Santua. Mapa gehienek ez dute datarik grabatuta, baina bai ipar hemisferiokoa (1740), Poloniakoa (1734) eta Lur Santukoa (1659).

Grabatzaileak Lairesse (izenburua), Visscher, Schenk, Mortier, Ottens, Zuerner, Jaillot, Delisle, Valk anaiak eta De Witt izan ziren.

Soraluzeko inguruak (Visscher & Schenk 1740)

Soraluzeri buruzkoak

Hiru bide nabarmentzen dira: Gasteizetik Irunera, Bilbotik Irunera itsasertzetik eta Bilbotik Tolosara barrutik.

Soraluze (Placentia mapan) azken honen erdi-erdian agertzen da, ondo modu nabarmenean (Bilbao eta Tolosaren mailan).

Gasteiztik itsasertzera Debarrotik zihoan bidea, berriz, ez da agertzen.