Galipoteko zubia (eu)
Galipoteko zubia | |
---|---|
![]() | |
Ibaia | |
Urtea | XVIII mendea |
Mota | Harrizkoa |
Luzeera | 4,5 m |
Zabalera | 2,5 m |
Altuera | 6 m |
Erabilera | Oinezkoa |
Azalpen orokorrak
Zubi hau Galipotaren gainean dago, hortik izena.
Frontoitik Santa Ana kaleko 13 zenbakiko bigarren pisura heltzeko balio du.
Noiz eta zertarako eraiki zuten ez da jakiten, baina segur aski errebote-frontoia egin zutenean (1788) handik etxeari pasua emango zioten.
Kokapena
Kontuak
Santa Ana kaleko 13. zenbakia Kalegoeneko azkena da eta, beraz, garai batean harresi sistemaren partea zen.
Etxe baterako pasabidea izateko oso lan mardula da, eta hortik teoria historizistak sortu dira: Soraluzeko harresien aztarna dela, arkua berez aintzinako atea dela... Azken teoria hau ez du oinarri sendorik, alde batetik arkuaren egitura ate batena ez delako, eta bestetik Galipota inoiz ez delako kale nagusia izan (eta ez zitzaion halako "ate" handia tokatzen).
Urte luzeetan arkuaren azpian (albo batean, hobeto esanda) Labegain elkartea egon zen.