Deba ibaia. Ur kirolak (eu)

    Sorapediatik
    Estropadak zubi nagusiaren azpian (1965)

    Igeriketa

    Deba ibaia igeritan egiteko aprobetxatu izan da betidanik, batez ere mutilek.

    Lekuak

    Sakoneraren arabera, bazeuden toki bereziak igeritan ikasteko, jarduteko eta afanetan ibiltzeko, Elektrikaren paretik hasi, eta Maltzagako tren zubiaren azpiraino: Olea presa, Arriogain, Igarate...

    Inoiz ezbeharrak ere jazo izan dira. Esateko, behin Maltzagako tren zubitik salto egin zuen gazte batek, eta oina harkaitzen artean trabatuta geratu zitzaion: han ito zen atera ezinik.

    Hiztegia

    Igeriketan egiterakoan, Soraluzen berba berezi batzuk sortu eta erabili izan dira[1]:

    • ALATIAN. Bizkarrez igeri egitea. Alatian be ondo eitxejok igari.
    • TAPAKUAK. Ur sakonak, igerilariaren altuera gainditzen dutenak. Orrek beti tapako uretan eitxejok igari.
    • UR-USTELA. Denbora luzez gelditutako ura. Obe dok Olako-osiñian igari eitxia alboko ur-ustelian baño.
    • ZURRUSTADIA. Besakada igeriketan. Orrek jaukak zurrustadia!.


    Arrauna

    Soraluzeko Deba ibaian Estropadak egin dira, eta ez gutxi.

    Gerra aurrekoak

    Iñaki Letek kontatzen duenez[2], gerra aurrean Julio Herrerok eta Fausto Tejeruak txalupa estropada egin zuten jaietan.

    Batel estropadak

    Gerra ostean batel estropadak egin dira hainbat urteetan: 1950, 1964, 1965, 1967...

    Irteera eta helmuga Zubi Naguusian izaten zen. Baina, ziaboga emateko tokiaren faltaz, batel batek Olearuntz egiten zuen bitartean, bigarrena Malmero aldera irtetzen zen. Ziaboga emanda, bakoitzak bere puntan, Zubi Nagusiaren azpian berriro gurutzatzen ziren batelak.

    Zarautz Arraun Taldea

    1980. hamarkadan, berriz, Zarautz Arraun Taldeko arraunlariek erakustaldia egin zuten.

    • Zarautz Arraun Taldea. Erakustaldia 01 (1980 hamarkada).jpg
    • Zarautz Arraun Taldea. Erakustaldia 02 (1980 hamarkada).jpg
    • Zarautz Arraun Taldea. Erakustaldia 03 (1980 hamarkada).jpg
    • Zarautz Arraun Taldea. Erakustaldia 04 (1980 hamarkada).jpg
    • Zarautz Arraun Taldea. Erakustaldia 05 (1980 hamarkada).jpg

    Piragua eta kaiakak

    Azken urteetan udan piraguak ekarri izan dituzte, gazteen gozamenerako.


    Nicomedes Bollain bere ur-bizikletan

    Uretan ere

    Nicomedes Bollain

    Gerra aurrean Nicomedes Bollainek uretako bizikleta asmatu zuen, eta erakustaldiak egin Deba ibaian. Gaur eguneko "pedalo" antzekoa zen.

    Baltsa jetsiera

    1990. hamarkadan, jaietan, baltsa jetsierak antolatu ziren. Jaiak izanik, kirolerako baino jolaserako ziren.

    Baltsa jeitsiera jaietan (M. Valero 1990)


    Erreferentziak

    1. ↑ Relación de algunas palabras euskéricas habituales en Soraluze-Placencia de las Armas. Ramiro Larrañaga (Cuadernos de Sección. Hizkuntza eta Literatura 1995).
    2. ↑ Andramarixak. Iñaki Lete (Jai egitaraua 1974).
    "http://www.sorapedia.eus/index.php?title=Deba_ibaia._Ur_kirolak_(eu)&oldid=30042"(e)tik jasota