Hispania ex Archetypo Roderici Mendez Sylvae (eu)

Hispania ex Archetypo Roderici Mendez Sylvae
Egilea	G.M. Seutter
Urtea	1740 inguruan
Hiria	Ausburgo
Tamaina	52.2 x 63.0 zm

Mapa zertan den

Georg Matthäus Seutter (Matthias Seutter ere, 1678-1757) Augsburgoko argitaratzaile, kartografo eta grabatzaile alemaniarra izan zen. 1678an jaio zen urregile baten seme gisa. Nürnberg-eko J.B. Homann-en ikasketak egin ondoren, Augsburgo jaioterrira itzuli eta Jeremiah Wolf-en argitaletxean lan egin zuen. 1707an bere argitaletxe arrakastatsua sortu zuen eta mapak, atlasak eta globoak ekoitzi zituen.

1757an hil ostean, enpresa hiru lagunen eskuetara pasa zen: Albrecht Carl semea, eta bi suhiak, G.B. Probst eta T.C. Lotter. Azken hau benetako ordezkotzat hartu izan zen, eta garaiko kartografo ospetsuenetakoa bilakatu zen.

Mapa hau egiteko Rodrigo Mendez Sylvak ondutako Población general de España liburua erabili zuen.

Soraluzeri buruzkoak

Gipuzkoako herri gutxi agertzen dira, eta horietako bat Soraluze.

T.C. Lotter-ren Hispania ex Archetypo Roderici Mendez Sylvae, J.B. Homann-en kopia

Bitxikeriak

Bizkaia hirutan agertzen da: Bizkaia bera (Santander badiaraino heltzen dena, Gipuzkoa eta Araba (Avila jartzen du). Errioxak Arabako Sonsierra hartzen du.

Euskal Herria zeharkatzen duen bide nagusia ere erakusten du: Miranda - Gasteiz - Gatzaga - Arrasate - Urretxu - Tolosa - Irun - Baiona.

G.M. Seutter hil eta gero, T.C. Lotter suhiak Espainiako beste mapa argitaratu zuen, baina aitaginarenarrebarena erabili beharrean, Guillaume de l'Isle-rena kopiatu zuen, azken hau J.B. Homann-en kopia izanik: Regnorum Hispaniae et Portugalliae. Izena, hori bai, aitaginarrebak erabilia jarri zion: Hispania ex Archetypo Roderici Mendez Sylvae.