Otsoaldasoro I zista (eu)

Otsoaldasoro I
Estiloa	Historiaurrekoa
Mendea	Brontze Aroa
Kokapena	Elosua-Plazentzia estazio megalitikoa
Mota	Zista

Azalpena

Zista hau Otsoaldasoro parajean topa zuten, itsas gaineko 737 metrotan.

Tumulu batek babestuta dago. Tumuluak bertako basaltoekin egina dago, bere diametroa 4,5-5 metrotakoa da, eta altuera berriz 0,5 m.

Ganbara 70 zm luze da; hiru harlauza gordetzen dira, bat zutik eta beste biak erorita. Harrien artean landutako suarri laska batzuk agertu ziren, eta igitai baten hortzak ere.

Irudiak

(handitzeko, sakatu gainean)

• 

  Kata hasi aurretik
  (Jesus Tapia 2022)

• 

  2x2 kata
  (plaentxia.eus 2022)

• 

  4x3 kata
  (plaentxia.eus 2022)

• 

  8x3 kata
  (plaentxia.eus 2022)

• 

  8x4 kata
  (plaentxia.eus 2022)

• 

  Indusketak
  (plaentxia.eus 2022)

• 

  Indusketak
  (plaentxia.eus 2022)

• 

  Ikuspegi orokorra
  (plaentxia.eus 2022)

• 

  Kata bukatu ostean
  (Morkaiko Mendi Taldea 2022)

• 

  Estalia berriro
  (Jesus Tapia 2022)

• 

  Planoak
  (Aranzadi 2022)

Kokapena

(Pantaila osoan ikusteko sakatu hemen)

Mapa kargatzen...

{"type":"ROADMAP","minzoom":false,"maxzoom":false,"types":["ROADMAP","SATELLITE","HYBRID","TERRAIN"],"mappingservice":"googlemaps3","width":"auto","height":"600px","centre":false,"title":"","label":"","icon":"","lines":[],"polygons":[],"circles":[],"rectangles":[],"copycoords":false,"static":false,"visitedicon":"","wmsoverlay":false,"zoom":18,"layers":[],"controls":["pan","zoom","type","scale","streetview","rotate"],"zoomstyle":"DEFAULT","typestyle":"DEFAULT","autoinfowindows":false,"resizable":false,"kmlrezoom":false,"poi":true,"cluster":false,"clustergridsize":60,"clustermaxzoom":20,"clusterzoomonclick":true,"clusteraveragecenter":true,"clusterminsize":2,"imageoverlays":[],"kml":[],"gkml":[],"searchmarkers":"","fullscreen":false,"scrollwheelzoom":false,"locations":[{"text":"","title":"","link":"","lat":43.188757,"lon":-2.401663,"icon":""}]}

Historia

Nahiz eta Elosua-Plazentzia estazio megalitikoaren oso gertu egon, kilometro bat iparraldera, Telesforo Aranzadik, José Miguel Barandiaranek eta Enrique Egurenek ez zuten aurkitu 1921. urteko udan, bertako mendilerroko trikuarrien miaketa egiteko etorri zirenean.

2022.ean Capital Green Power enpresak Muskiritzun parke eolikoa egiteko baimena eskatu zuen: Karakateko parke eolikoa. Bi aerosorgailu izango zituen parke hau Kortazarreko Haitza eta Elosua-Plazentzia estazio megalitikoaren artean kokatuko zen.

Egitasmoa aurrera egiterakoan balizko aztarna arkeologikoak erabat suntsituko zituztelakoan, urte hasieran abiatu zuen Aranzadik mendigaineko ondare arkeologikoa ikertzen jarraitzeko kanpaina. Ikerketa bizkor horretan historiaurreko bi toki esanguratsu topa zituzten, gerora Gortazar eta Otsoaldasoro I zistak topa zituztenak, alegia.

Urte bereko Aste Santuan Aranzadiko kideek eta Elgoibar eta Soraluzeko hainbat boluntariok toki hauetan eta beste hiru toki gehiago industu zuten. Guztira historiaurreko lau hilobi topa zituzten, laurak zista modukoak: Gortazar, Otsoaldasoro I, Otsoaldasoro II eta Otsoaldasoro III hain zuzen.

Otsaldasoro Iean aurretik 2x2 metrotako kata egin zuten, baina aztarnategiaren garrantziaz jabetuta, hiru aldiz zabaldu izan behar zuten esparrua (4x3 lehen, 8x3 gero eta 8x4 azkenik). Emaitzek zista zela egiaztatu zuten.

Ondoren, Aranzadik aurkitutako monumentuen gaineko inbentario zehatza osatu zuen eta ofizialki erregistratu gaur arte Plazentzia-Elosua estazio megalitikoan aurkitu diren 20 monumentuekin batera. Ondorioz, 2022.ean bertan Soraluzeko Udalak Gortazar eta Otsoaldasoro I eta II-ko zistak zein erromatar gotorlekua babestu zituen.

Erreferentziak

• Memoria prospección arqueológica con catas en Karakate-Iruiya (Soraluze-Elgoibar) 2022. Jesus Tapia (Aranzadi Zientzia Elkartea 2022).
• Historiaurreko bi monumentu topatu dituzte Karakatetik gertu. Egoitz Unamuno (plaentxia.eus 2022/04/20).