Otsoaldasoro II zista (eu)

Otsoaldasoro II
Estiloa	Historiaurrekoa
Mendea	Brontze Aroa
Kokapena	Elosua-Plazentzia estazio megalitikoa
Mota	Zista

Azalpena

Zista hau Otsoaldasoro parajean topa zuten, itsas gaineko 738 metrotara.

Tumulu batek babestuta dago. Tumuluak 4 metrotako diametroa eta 50 zentimetrotako altura zuen, asko jota; bertako harriak ertainak eta handiak.

Erdian lau harri handi daude, horietako bik anguloan. Ganbarak 1,2 x 0,8 metrotakoa izango zen, gutxi gorabehera. Ganbara basalto lauzaz beteta zegoen, nahita seguru asko. Zista azpian ez da zulorik agertu, beste kasuetan bezala ( Gortazar zista).

Egitura estaltzen duten lurretan hanbat pieza agertu ziren: silex lauza; hareharrizko bi errekarri, bata higatuta; beste hareharrizko lauza bat, higatua hau ere; eta eskuz landutako bi zeramika puxka. Ganbara betetzen zuten lauzen artean zeramikazko beste 23 zati agertu dira, eta erretako egur hondarrak ere.

Irudiak

(handitzeko, sakatu gainean)

• 

  Kata hasi aurretik
  (Jesus Tapia 2022)

• 

  Ganbara hustu aurretik
  (Jesus Tapia 2022)

• 

  Kata bukatu ostean
  (Jesus Tapia 2022)

• 

  Kata bukatu ostean
  (Carlos de Cos 2022)

• 

  Estalia berriro
  (Jesus Tapia 2022)

• 

  Planoak
  (Aranzadi 2022)

• 

  Planoak
  (Aranzadi 2022)

Kokapena

(Pantaila osoan ikusteko sakatu hemen)

Mapa kargatzen...

{"type":"ROADMAP","minzoom":false,"maxzoom":false,"types":["ROADMAP","SATELLITE","HYBRID","TERRAIN"],"mappingservice":"googlemaps3","width":"auto","height":"600px","centre":false,"title":"","label":"","icon":"","lines":[],"polygons":[],"circles":[],"rectangles":[],"copycoords":false,"static":false,"visitedicon":"","wmsoverlay":false,"zoom":18,"layers":[],"controls":["pan","zoom","type","scale","streetview","rotate"],"zoomstyle":"DEFAULT","typestyle":"DEFAULT","autoinfowindows":false,"resizable":false,"kmlrezoom":false,"poi":true,"cluster":false,"clustergridsize":60,"clustermaxzoom":20,"clusterzoomonclick":true,"clusteraveragecenter":true,"clusterminsize":2,"imageoverlays":[],"kml":[],"gkml":[],"searchmarkers":"","fullscreen":false,"scrollwheelzoom":false,"locations":[{"text":"","title":"","link":"","lat":43.188094,"lon":-2.401243,"icon":""}]}

Historia

Nahiz eta Elosua-Plazentzia estazio megalitikoaren oso gertu egon, kilometro bat iparraldera, Telesforo Aranzadik, José Miguel Barandiaranek eta Enrique Egurenek ez zuten aurkitu 1921. urteko udan, bertako mendilerroko trikuarrien miaketa egiteko etorri zirenean.

2022.ean Capital Green Power enpresak Muskiritzun parke eolikoa egiteko baimena eskatu zuen: Karakateko parke eolikoa. Bi aerosorgailu izango zituen parke hau Kortazarreko Haitza eta Elosua-Plazentzia estazio megalitikoaren artean kokatuko zen.

Egitasmoa aurrera egiterakoan balizko aztarna arkeologikoak erabat suntsituko zituztelakoan, urte hasieran abiatu zuen Aranzadik mendigaineko ondare arkeologikoa ikertzen jarraitzeko kanpaina. Ikerketa bizkor horretan historiaurreko bi toki esanguratsu topa zituzten, gerora Gortazar eta Otsoaldasoro I zistak topa zituztenak, alegia.

Urte bereko Aste Santuan Aranzadiko kideek eta Elgoibar eta Soraluzeko hainbat boluntariok toki hauetan eta beste hiru toki gehiago industu zuten. Guztira historiaurreko lau hilobi topa zituzten, laurak zista modukoak: Gortazar, Otsoaldasoro I, Otsoaldasoro II eta Otsoaldasoro III hain zuzen.

Katak 4x3 metrotako azalera izan zuen. Monumentuaren egitura eta neurriak aztertzeaz gain, hainbat material bildu zuten.

Ondoren, Aranzadik aurkitutako monumentuen gaineko inbentario zehatza osatu zuen eta ofizialki erregistratu gaur arte Plazentzia-Elosua estazio megalitikoan aurkitu diren 20 monumentuekin batera. Ondorioz, 2022.ean bertan Soraluzeko Udalak Gortazar eta Otsoaldasoro I eta II-ko zistak zein erromatar gotorlekua babestu zituen.

Erreferentziak

• Memoria prospección arqueológica con catas en Karakate-Iruiya (Soraluze-Elgoibar) 2022. Jesus Tapia (Aranzadi Zientzia Elkartea 2022).
• Historiaurreko bi monumentu topatu dituzte Karakatetik gertu. Egoitz Unamuno (plaentxia.eus 2022/04/20).