San Salvador ermita (eu)
San Salvador ermita Espiritu Santuaren ermita Santutxua (Humilladero) | |
---|---|
![]() | |
Estiloa | |
Mendea | XVI |
Kokapena | Herrigune historikoa |
Mota | Eraikina |
Azalpena
Eibarko irteeran zegoen, Baltegieta kalearen bukaeran, Mendikute dorretxearen baino pixka bat haruntzago. SAPAren fabrika berriaren lehen nabea egin zuten lurretan, gutxi gorabehera. Oso gertu moskete zein arkabuzendako probatokia zegoen, ermitaren batera desagertuko zena.
Ermita honek izen bat baino gehiago zuen: San Salvador, Espiritu Santua, Santutxua...
1545 urtean argertzen omen zen lehengo aldiz agiri zaharretan, eta Murugarrenek 1646 urtean aipatzen du atzera. Mende bat geroago, ermita Florencio Joseph Lamoten mapan agertzen da (1756). Y batez markatuta dago, eta alboan probatokia, H batekin markatua.
Ramiro Larrañagak jaso zuenez[1], Soraluzeko ipuin zahar batek Igarate inguruan tenplario zaldunek egoitza izan omen zutela zioen. Elezaharrak inolako oinarria balu, agian San Salvador ermitarekin zerikusi izan zezakeen.
1834 urtean Soraluzen izandako ufal handiena izan zen. Garai hartako agiri baten arabera[2] ur mailak hamalau bat metro egin zuen gora, eta hainbat eraikin eraman zituen aurretik: 15 bat etxe, 6 bat lantegi, arraindegia, zubi nagusia bera... eta San Salvador ermita osoa zein alboko probatokia.
Halaxe desagertu zen San Salvador edo Espiritu Santu ermita.
Kokapena
-2.415000,17z?hl=eu (Pantaila osoan ikusteko sakatu hemen)
Erreferentziak
- ↑ Soraluze. Monografía histórica. 141 orrialdea. Ramiro Larrañaga (1993).
- ↑ Inundación del 30 de junio de 1834. Ramiro Larrañaga (La Voz de España 1978).