Estropadak (eu)

Pasai San Pedro eta Jaizkibel Zubi Nagusiaren azpian (1965)

Txalupa estropadak

Iñaki Letek kontatzen duenez, gerra aurrean Julio Herrerok eta Fausto Aristi Tejeruak txalupa estropada egin zuten jaietan.

Batel estropadak

Gerra ostean batel estropadak egin dira hainbat urteetan: 1950, 1964, 1965, 1967...

Atxuri parian egin ziren; hau da, Atxuriko zubitik Malmero presaraino doan ibai tartean. Herrian dagoen ibaiaren gunerik egonkorrena da, uren sakonera eta leuntasunari dagokionez. Inguruan dituen etxebizitza hormen babesari eta ibilguan dagoen oztopo ezari esker, txanelekin edo txalupekin ibiltzeko ibaiaren tarte egokiena egiten dute. Bi batelek arraunetan eroso egiteko ibaia nahikoa nasaia da, baina ziabogarako ez da biontzako tokirik. Dena dela, asmatutako irtenbidea argia bezain erraza izan zen.

Estropadari zubipean ematen zaitzaion irteera, baina batel batek Malmero presaruntz jotzen zuen bitartean, bigarrenak kontrako norabidean abiatzen zen, Amutxastegiruntz. Modu honetan, ziaboga eman behar zutenean ibaiaren zabalera osoa erabil zezaketen.

Batera eta bestera hainbeste aldiz ibili ostean, estropadaren bukaera zubipean izaten zen.

Agian estropada famatuena (argazkiarengatik) 1965eko ekainaren 13an, Pasai San Pedroren eta Jaizkibelen arteko lehiaketa izango da.