Origen de la lengua bascongada (eu)

Origen de la lengua bascongada
Egilea	Juan de Perocheguy
Hizkuntza	Gazteleraz
Urtea	1760
Argitaletxea	Herederos de Martinez
Hiria	Iruñea

Izenburu osoa

Origen de la nacion bascongada, y de su lengua.

Euskal nazioaren jatorria, eta bere hizkuntzarena

Liburua zertan den

XVII mende hasieran tubalismoa puri-purian zegoen Euskal Herrian. Teoria honen arabera, Paradisuan Jaungoikoa euskaraz aritzen zela Adan eta Ebarekin, euskara zelako "Jainkoak gure Lehen Aita Adani eman zion hizkuntza berbera, Babelgo Dorrean nahasmena eta anabasa gertatu arte bakarra izan zena". Uholde Handia gertatzerakoan, Noen biloba zen Tubal Euskal Herrira etorri zela, eta euskara berarekin ekarri zuen.

Teoria honen lehen defendatzailea Baltasar Echave zumaiarra izan zen. Mexikon argitaratu zuen (1609) bere Discursos de la antigüedad de la lengua Cántabra-Bascongada. Teoriak hiru mendetan egin zuen aurrera, azken defendatzailea Jose Gaspar Oregi soraluzetarra izanik.

Juan de Perocheguy teoria honen aldekoa zen. 1731. urtean "Origen y antigüedad de la lengua bascongada y de la Nobleza de Cantabria" liburua argitaratu zuen, eta 1738.ean bigarren edizioa ere.

Liburu hau hogetabi urte geroago atera zuen. Hirugarren argitalpen modukoa da, baina laburtua.

Bitartean Juan de Perocheguy-k beste liburu bat ere argitaratu zituen: "Reflexiones curiosas y notables sobre la ciencia y valor para la guerra" (1752).

Soraluzeri buruzkoak

Nafarroako Juan de Perocheguy militarra izan zen, artilleroa. Urte askotan Soraluzeko Erret Lantegien zuzendaria izan zen.

Erreferentziak

Liburua ekartzeko Liburutegi digitalera joan.