Hispaniae et Portugalliae Regna (eu)

Hispaniae et Portugalliae Regna
Egilea	Nicolaes Visscher & Petrus Schenk
Urtea	1740
Hiria	Amsterdam
Tamaina	46 x 56 zm

Mapa zertan den

1740 urtean Petrus Schenk eta Reinier & Iosua Ottens inprimagileek Nicolaes Visscher-en Atlas minor inprimitu zuten.

Izenburuaren orrialdea eta aurkibideaz gain, atlas honek 23 mapa ditu, bi orritara eta eskuz koloreztatuak: mapamundia, ipar hemisferioa, hego hemisferioa, kontinenteak (Europa, Asia, Afrika eta Amerika), Europako eskualdeak (Errusia barne) eta Lur Santua. Mapa gehienek ez dute datarik grabatuta, baina bai ipar hemisferiokoa (1740), Poloniakoa (1734) eta Lur Santukoa (1659).

Grabatzaileak Lairesse (izenburua), Visscher, Schenk, Mortier, Ottens, Zuerner, Jaillot, Delisle, Valk anaiak eta De Witt izan ziren.

Soraluzeko inguruak (Visscher & Schenk 1740))

Soraluzeri buruzkoak

Hiru bide nabarmentzen dira: Gasteizetik Irunera, Bilbotik Irunera itsasertzetik eta Bilbotik Tolosara barrutik.

Soraluze azken honen erdi-erdian agertzen da, ondo nabarmena (Bilbao eta Tolosaren mailan).

Gasteiztik itsasertzera Debarrotik zihoan bidea ez da agertzen.