Biztanleak. Familia motak (eu)

Biztanleak familia moten arabera

Datuak

Urtea	Pertsona bakarrekoa	Konposatua	Gunea seme-alabarik gabe	Gunea seme-alabekin	Guraso bakarrekoa	Handitua	Gune askotarikoa	Familiak guztira		Familia tamaina
1991	201	28	196	711	105	154	67	1.462		3,3
1996	250	29	230	639	121	136	45	1.450		3,0
2001	331	40	268	556	146	133	39	1.513		2,7

Bilakaera

Dauden datuak oso epe motzekoak dira (1991-2001) baina hala ere joera garbiak erakusten dute.

Nahiz eta urte horietan Soraluzek ia 500 biztanle galdu (4.642etik 4.165ra), familia kopurua egonkorra mantendu da. Familiek gero eta seme-alaba gutxiago dute, eta hamar urtetan (1991-2001) familia tamaina %20 murriztu zen, 3,3etik 2,7ra pasatuz.

Seme-alabak dituen familiak gero eta gutxiago dira: 1991 urtean familia erdiak mota honetakoak baziren, hamar urte geroago herena izatera pasa dira.

Bestalde, bizi itxaropena igo denez, seme alabarik gabeko gune gehiago dago; eta alargunak ere gehiago bizi dira, hau da, pertsona bakarreko familia gehiago. Eta familia mota ez arruntak gero eta gehiago dira: guraso bakarrekoak, konposatuak...

Azkenik, familia handituak eta gune askotarikoak jaitsi dira.

Erreferentziak

• Datu basea ekartzeko Biltegi digitalera joan.
• EUSTAT. Biztanleriaren eta Etxebizitzen Zentsua (1991-2001).