Ekonomia. BEG ehunekotan (eu)

Soraluzeren BEG ehunekotan

Datuak

Urtea	Nekazaritza eta abeltzaintza	Industria eta energia	Manufaktura industria	Gainerakoak	Eraikuntza	Zerbitzuak	Merkataritza, ostalaritza eta garraioa	Administrazioa	Gainerakoak
1996	1,1 %	57,8 %			2,7 %	38,4 %
2000	0,7 %	65,1 %			4,5 %	29,7 %
2005	0,4 %	57,5 %			6,4 %	35,7 %
2008	0,3 %	50,4 %	48,0 %	2,4 %	7,0 %	42,2 %	12,6 %	10,9 %	18,7 %
2010	0,4 %	45,7 %	43,2 %	2,5 %	7,2 %	46,7 %	14,0 %	13,1 %	19,6 %
2012	0,4 %	50,3 %	47,8 %	2,5 %	3,2 %	46,1 %	11,2 %	13,7 %	21,2 %
2014	0,5 %	52,4 %	49,9 %	2,5 %	3,8 %	43,4 %	11,3 %	12,5 %	19,6 %
2015	0,5 %	52,3 %	49,7 %	2,6 %	3,6 %	43,7 %	11,6 %	10,8 %	21,3 %
2016	0,6 %	53,4 %	50,8 %	2,6 %	3,1 %	42,8 %	11,6 %	10,8 %	20,4 %

Bilakaera

Balio Erantsi Gordineko bi jarduera nagusiak industria eta zerbitzuak dira, elkarrekin hartuta %90tik gora osatzen dutela. Baina elkarren kontrako portaera dute: industriak gora egiten duenean zerbitzuak behera datoz, eta alderantziz. Datuak ehunekotan daudenez, ondorioak datu absolutuekin egiaztatu beharko ziren.

Industriak inoiz bi heren hartu baditu ere, azken urteetan erditik gora mantentzen da. Bertan ia gehiena manufaktura da.

Zerbitzutan hiru motakoen arteko proportzioak mantentzen dira: laurden bat merkataritza, ostalaritza eta garraioan, beste laurdena administrazioan eta gainontzeko erdia gainerako zerbitzuetan.

Eraikuntzak izan zuen bere boom-a Soraluzen: 1996 urtetik 2010 arte hazi zen, eta orduan eztanda egin zuen: bi urte geroago erdira jaitsi zen. Dena dela, puntu altuenean Soraluzeko jardueraren %7,2 besterik ez zen izan.

Eta lehen sektorea oso testimoniala da. 1995 % 1a inguruan bazen ere, 2005tik hona % 0,5 inguruan ari da.

Eskualdean

Soraluzeren BEGa Debabarrenean

Urtea	Industria	Zerbitzuak	Guztira
1996	% 8,1	% 5,2	% 6,1
2000	%10,0	% 4,6	% 7,1
2005	% 8,9	% 5,1	% 6,8
2008	% 6,5	% 4,9	% 5,6
2010	% 6,1	% 4,5	% 5,3
2012	% 6,5	% 4,3	% 5,1
2014	% 6,9	% 4,1	% 5,2
2015	% 6,9	% 4,0	% 5,2
2016	% 6,9	% 3,9	% 5,1

Balio Erantsi Gordinaren bilakaera, Debabarreneko beste herriekin alderatuta, ez da ona izan: 1996 urtean % 6koa bazen, 2000 urtean % 7ra heldu zen baina hurrengo hamar urtetan bi puntu galdu zituen, azken urteetan % 5tik pixkat gora mantentzen ari dela.

Alderatzen badugu lanpostuen bilakaerarekin (proportzioa mantentzen dela), ondorio larria atera daiteke: Soraluzen egiten den lanak gero eta balio erantsi txikiagoa sortzen du.

Ondorioak industria zein zerbitzuak sektoreentzat balio du.

Erreferentziak

• EUSTAT. Udal barne produktu gordina (BPG).
• EUSTAT. Udal Balio Erantsi Gordina (BEG) eskualdean.