Málzaga lokomotora (eu)
.jpg)
Soraluzek bere lokomotora izan bazuen ere (ikus Placencia lokomotora), Maltzaga ez zen atzean geratu.
1904 urtean, Durango Zumarraga trenbiderako hainbat lokomotora erosi zuten Alemanian, baporezkoak; horietako bat Málzaga bataiatu zuten. Krauss etxekoa zen, 0-4-0-T motakoa, eta fabrika-zenbakia 5179 zuen. Ekarri zutenean matrikula zenbakia 183 eman zioten.
Bilbao eta Donostia arteko zerbitzu zuzenak ezarri zirenean (1906. urtean), Málzaga lokomotora Malzaga-Zumarraga trenbidean erabili zuten. Azkenik, Ferrocarriles Vascongados-ek trenbide guztiak elektrifikatu zituenean (1929 inguruan), lokomotora hau eta beste batzuk Ponferrada-Villablino trenbideari saldu zizkion. Urte askotan Maltzaga lokomotora bertan egin zituen hanbat kilometro, ikatz garraioan.
Soraluze eta Maltzagaz gain, Osintxuk ere bere lokomotora izan zuen, Los Mártires izenekoa. 1902 urtean erosi zuten, Krauss etxeari ere, eta 1-3-1-T motakoa zen, 4761 fabrika-zenbakiarekin. Matrikula zenbakia 11 eman zioten, baina Ferrocarriles Vascongados sortzerakoan matrikula aldatu zioten: 81. Trenbideen elektrifikazioa zela eta, 1942 urtean Minas y Ferrocarril de Utrillas enpresari saldu zioten, eta bertan Banco de Aragón izena jarri zioten.