Arribiribilleta zutarria (eu)

Arribiribilleta
Estiloa	Historiaurrekoa
Mendea
Kokapena	Elosua-Plazentzia Estazio Megalitikoa
Mota	Zutarria

Azalpena eta historia

Arribiribilletako menhirra Irukurutzeta eta Kurutzebakar gailurren artean dago eta Elosua-Plazentziako Estazio Megalitikoaren parte da.

Telesforo Aranzadik, José Miguel Barandiaranek eta Enrique Egurenek aurkitu zuten 1921. urteko udan, bertako mendilerroko trikuarrien miaketa egiteko etorri zirenean.

3,60 metro luze, 1,70 metro zabal eta 0,40 metro lodi den basaltozko harri-bloke handia da. Hasiera batean trikuharri edo dolmentzat hartu zuten, etzanda zegoelako.

2010 urtetik aurrera Dolmenen ibilbidea egitasmoaren baitan burutu diren ikerketek zera ondorioztatu dute: Arribiribilletako monumentu megalitikoa menhir bat da, eta ez dolmen bat, orain arte uste zen bezala. Eskualde arteko egitasmoa da, Elgoibar, Soraluze eta Bergarako Udalek sustatua, Debegesa Garapen Agentziaren koordinaziopean, eta Gipuzkoako Foru Aldundiaren laguntzarekin.

Ikerketek utzitako zantzuen arabera, historiaurreko jatorria duen menhir hau zutik zegoen duela 4000 urte inguru eta ondoren lurrera jausi zen, eraitsita edo berez erorita.

En 1921 T. de Aranzadi, J.M. de Barandiaran y E. Eguren practicaron una cata cerca del bloque, recuperando fragmentos de teja y carbón, e identificándolo como un mojón En 2002 fue denunciado como dolmen por J. Altuna, L. del Barrio, A. Férnandez, K. Mariezkurrena y A. Turrillas

Por último, en 2012 fue excavado por los arqueólogos de Aranzadi, Manu Zeberio y Jexux Tapia, descubriendo que es un monolito

http://www.youtube.com/watch?v=5J_ARsP6uZg

Irudiak

(handitzeko, sakatu gainean)

• 

  Arribiribileta
  (J.M. Barandiarán 1921)

• 
• 
• 
• 
• 
• 
• 
• 

  Arribiribilleta zutarria
  (Oscar Pérez 2016)

• 

  Arribiribilleta zutarria
  (Oscar Pérez 2016)

Berriro zutik

Zutarria zela egiaztatu eta gero, altxatzea erabaki zen, monumentua berriro ere jatorrizko posiziora itzuliz. Lanak Aranzadi Zientzia Elkarteko Historiaurreko Arkeologia Sailak eraman zituen aurrera.

Aurretik harriaren azpian eta inguruan miaketak egin zituzten, eta gero berau zutik jarri. Azken lan hau 2014.eko irailak hiruan (2014/09/03) bukatu zuten.

Hurrengo urteetako kanpainetan beste monumentu batzuk berreskuratzea aurrikusten da. Hala, 2016.ko udan Gizaburuako tumuloan lan egiteko asmoa dute.