Indalecio Ojangurenen erreportaiak (eu)

Indalecio Ojanguren Egoabitzako gailurrean (1943)

Izenburua	Indalecio Ojanguren-en erreportaiak
Tokia	Soraluze
Data	1917-1936
Argazkilaria/k	Indalecio Ojanguren Arrillaga (1887-1952)

Indalecio Ojangurenen argazkiak ikusteko, sakatu hemen.

Indalecio Ojanguren funtsa ikusteko, sakatu hemen.

Azalpena

Argazkilari profesionala egin zenetik, Indalecio Ojangurenek hogei bat aldizkari edota egunkarirekin lan egin zuen: Ahora, Mundo gráfico..., La hormiga de Oro, La Basconia, Txistulari, La Unión ilustrada...

Orokorrean, argazki erreportaiak izaten ziren, oso testu laburrez lagunduta (argazki oinak edo piés de foto izenekoak). Noizean behin, erreportai berbera bi edo hiru aldizkaritan agertzen zen.

Euskal Herrikoak ziren gehienak eta, haien tartean, noiz ipinean Soraluze eta soraluzetarrak ere agertu ziren.

Ahora

Ahora Madrilgo egunkaria izan zen (1930-1939). Politikoki zentrozalea, 100.000 ale saldu zituen momentu gorenean.

• 

  Soraluzeko jaiak (1932/08/20)

• 

  Batzoki baten inaugurazioa (1933/03/02)

• 

  Ehizako bi ale nabarmen (1934/09/28)

• 

  Irukurutzetako erromeria (1936/05/07)

• 

  Kañoi antiaereo baten saioak (1936/05/22)

2025.eko martxoan Kontrargik Indalecio Ojangurenen argazkiekin Gure herria bere begietan izeneko erakusketa antolatu zuen. Bertan "collage" hau erakutsi zen.

Ahora erreportaiekin egindako "collage"a (2025)

Mundo gráfico

Mundo gráfico Madrilgo astekaria izan zen (1911-1938). Izenburuak salatzen zuenez, irudi eta argazkiek bereizten zuten.

• 

  Borroka greko-erromatarra (1917/08/29)

• 

  Igorreko espatadantzariak (1928/08/29)

• 

  Igorreko espatadantzariak (1928/08/29)

Igorreko espatadantzarien argazki bat La Basconia aldizkarian ere agertu zen.

Txistulari

Txistulari aldizkaria Euskal Herriko Txistulari Elkarteak 1928an sortu zuen, eta gerra garaian eten zen. Baina gerra amaitu ondoren berriro hasi zen argitaratzen.

• 

  Soraluzeko atabalaria (Txistulari 1931)

1931. urtean Ignacio Berraondo Tanbor jaunak 55 urte bete zituen herriko pregoilari eta atabalari moduan. Berria Donostiako prentsa agertu zen, eta aurki Txistulari aldizkariak El atabalero de Placencia artikulua agertu zuen. Tanborren erretratua Indalecio Ojangurenek hartu zuen.

Artikulu berbera Buenos Aireseko La Basconia aldizkariak ere atera zuen, 1931.eko otsailean, El pregonero de Placencia izenburuarekin. Eta argazkia hurrengo urtean La Hormiga de Oro aldizkarian agertu zen (1932).

La Basconia

La Basconia aldizkaria Argentinako Buenos Airesen argitaratzen zen. Euskal diasporaren berriak argitaratzeaz gain, Euskal Herriko berriak ere ekartzen zituen, askotan Euskal Herrian bertan argitaratutakoak kopiatuz.

Esate baterako, Los ezpatadantzaris de Iurre (La Basconia 1928/09/20) Mundo gráficon agertu zen aurretik, eta El pregonero de Placencia (La Basconia 1931/02/29) aurretik Txistulari aldizkarian agertu zen, El atabalero de Placencia izenarekin.

• 

  Igorreko espatadantzariak (1928)

• 

  Soraluzeko atabalaria (1932)

La Hormiga de Oro

La Hormiga de Oro Bartzelonako aldizkaria izan zen (1884-1936). Jainkozalea eta karlista zen.

El atabalero de Placencia-ren argazkia aurretik Txistulari aldizkarian agertu zen (1931).

• 

  Maltzagako San Rafael ermitaren lehen harria (1927/11/03)

• 

  Soraluzeko atabalaria (1932)

• 

  Saturnino Gantxegiren lehen meza (1932/06/23)

• 

  Batzokiko frontoiaren bedeinkapena (1933/03/23)

La Unión Ilustrada

La Unión Ilustrada Malagako aldizkaria izan zen (1909-1931). Hasiera batean La Unión Mercantil egunkariaren gehigarri modukoa izan zen.

• 

  Maltzagako San Rafael ermitaren lehen harria (1927/11/03)