Regnorum Castellae Veteris (eu)

Regnorum Castellæ veteris Legionis et Gallæciæ principatuumque Biscaiæ et Asturiarum accuratissima descriptio
Egilea	Nicolaes Visscher (semea)
Urtea	1704
Hiria	Amsterdam
Tamaina	82 × 99 zm

Mapa zertan den

Mapak Kantauri kosta osoa erakusten du, lehorretik Gaztela Zaharra hartzen duela. Bigarren mapa batek penintsularen beste erdia jasotzen du. Diseinua Cornelis Danckertsz jaunarena da

Nicolaes Jansz Visscher-ek (semea, 1649-1702) atlasa prestatu zuenerako hil zen, eta Elizabeth Visscher alabak (1702-1726) argitaratu zuen 1704 urtean.

Mapak bitxikeri batzuk erakusten ditu: bertikala da; iberiar penintsula gehiena erakusten du, baina ez osoa; Frantziaren zatia zuriz dago...

Urte batzuk lehenago (1670-90), Fredetik de Wit-ek izen bereko mapa argitaratu zuen-

Soraluzeri buruzkoak

Soraluze (Plazencia) ondo nabarmenduta agertzen da. Gasteiztik itsarorainoko bidean herri garrantzitsuena moduan.

Ikurren arabera, Bilbao, Gasteiz, Tolosa, Iruña, Lizarra... parekoak zituen.

Bitxikeriak

Hegoaldetik hiru bide nagusi heltzen dira Kantauri itsasoraino. Lehena Miranda ingurutik Bilbora eta handik Placentiaraino (Plentzia), itxura denez garai hartan Bilbo ez zen oraindik portu garrantzitsua eta. Bigarrena Gasteiztik Mutrikuraino (eta ez Debaraino), Debarroa eta Soraluzetik pasatzen. Eta hirugarrena San Andrian atakatik Tolosara eta Donostiaraino.

Gipuzkoa, nahiz eta Bizkaia barruan agertu, oso ondo nabarmentzen da, agian herri dentsitatearengatik.

Nafarroako erresumak itsasorako irteera du, Irun eta Hondarribia bereak dira eta; hegoaldera "Ronchevalles" mendiak agertzen dira. Gainera, Arabako Sonsierra Nafarroaren barruan agertzen dira.

Gaztela Zaharrak Bizkaia osoa hartzen du, eta Santillanako Asturia ere. Oviedoko Asturia, berriz, banatuta dago.