Aragonia et Navarra (eu)
| Aragonia et Navarra | |
|---|---|
| Egilea | Blaeu familia |
| Urtea | 1640 |
| Hiria | Amsterdam |
| Tamaina | 50 x 38,4 zm |
.jpg)
Mapa zertan den
Willem Janzsoon Blaeu geografoak, latinez Johannes Janssonius, munduko atlasa argitaratzeko asmoa zuen, eta 1629 urtean Abraham Ortelius-ek Theatrum Orbis Terrarum (1570) egiteko erabili zituen plantxak erosi zituen.
Willem hil eta gero Joan Bleu semeak 1662-1667 urteen zehar Atlas Maior izenekoa argitaratu zuen, Theatrum Orbis Terrarum, sive Atlas Novus in quo Tabulæ et Descriptiones Omnium Regionum izenarekin. Lanak 11 ale zituen, latinez, 594 mapa eta latinezko 3.000 bat orri testu. Gerora frantsesez (12 ale), holandesez (9 ale), alemanez (10 ale) eta gaztelaniaz (10 ale) ere atera zituzten.
Aurretik, 1634tik aurrera, bertsio txikiagoak atera zituzten: Theatrum Orbis Terrarum, Atlas Novus... Mapa hau Atlas Novus delakoan agertu zen.
Soraluzeri buruzkoak
Soraluze Plazencia moduan agertzen da, Gipuzkoa (eta Bizkaiko ekialdeko) herri nagusi moduan. Bigarren herri nabarmena (baina gutxiago), Tolosa da. Elgetaren tokian Maia agertzen da, eta Bergararen ordez Oxirondo. Debarroko goialdean elizateak markatuta daude, baina izenik gabe.
.jpg)
Bitxikeriak
Mapa "okertuta" dago, mendebaldea goian duela eta iparraldea eskuman.
Nafarroa oraingoa baino handiagoa agertzen da: mendebaldetik Arabako Sonsierra (Guardia, Lanziego), hegoaldetik Errioxako Ebro aldea (Logroño, Calagorra, Alfaro... eta inguruko eskualdea), eta ekialdetik Aragoi ibaiaren eskumaldea (Canfranc, Berdun...)