Hispania ex Archetypo Roderici Mendez Sylvae (eu)
| Hispania ex Archetypo Roderici Mendez Sylvae | |
|---|---|
| Egilea | T.C. Lotter |
| Urtea | 1757-tik aurrera |
| Hiria | Ausburgo |
| Tamaina | 52.2 x 63.0 zm |
Mapa zertan den
Georg Matthäus Seutter (Matthias Seutter ere, 1678-1757) Augsburgoko argitaratzaile, kartografo eta grabatzaile alemaniarra izan zen. 1678an jaio zen urregile baten seme gisa. Nürnberg-eko J. B. Homann-en ikasketak egin ondoren, Augsburgo jaioterrira itzuli eta Jeremiah Wolf-en argitaletxean lan egin zuen. 1707an bere argitaletxe arrakastatsua sortu zuen eta mapak, atlasak eta globoak ekoitzi zituen. 1757an hil ostean, enpresa hiru lagunen eskuetara pasa zen: Albrecht Carl semea, eta bi semeorde, G. B. Probst eta T. C. Lotter[1]. Azken hau benetako ordezkotzat hartu izan zen, eta garaiko kartografo ospetsuenetakoa izan zen.
Mapa hau egiteko Rodrigo Méndez Silva-ren eredua jarraitu zuten, Guillaume Delislek hobetua. Mapa guzti hauek oso antzekoak dira.
Soraluzeri buruzkoak
Gipuzkoako herri gutxi agertzen dira, eta horietako bat Soraluze.
Bitxikeriak
Bizkaia hirutan agertzen da: Bizkaia bera (Santander badiaraino heltzen dena, Gipuzkoa eta Araba (Avila jartzen du). Errioxak Arabako Sonsierra hartzen du.
Euskalherria zeharkatzen duen bide nagusia ere erakusten du: Miranda - Gasteiz - Gatzaga - Arrasate - Urretxu - Tolosa - Irun - Baiona.
Erreferentziak
- ↑ Suhia zela diote batzuk.