Dictionaire géographique et historique (eu)
| Dictionaire géographique et historique | |
|---|---|
 | |
| Egilea | Michel Antoine Baudrand |
| Hizkuntza | Frantsesez |
| Urtea | 1705 |
| Argitaletxea | Denys du Puis |
| Hiria | Paris |
Izenburu osoa
Dictionaire geographique et historique contenant une description exacte de tous les Etats, Royaumes, Provinces, Villes, Bourgs, Montagnes, Caps, Isles, Presqu'isles, Lacs, Mers, Golfes, Détroits, Fleuves, & Rivieres de l'Univers.
Hiztegi geografiko eta historikoa, unibertsoko estatu, erresuma, probintzia, hiribildu, hiri, mendi, lurmutur, uharte, penintsula, aintzira, itsaso, golko, itsasarte, ibai eta erreka guztien azalpenarekin.
Liburua zertan den
Izenburuak esaten duenez, hiztegi geografikoa da, bai garaiko zein aspaldiko toponimoen azalpena dakarrena. Herrialdeen kokapena, zabalera, mugak, distantziak eta kalitatearekin batera, biztanleen indarrak, kopurua, ohiturak eta komertzioa dakartza.
Hiztegia Michel Antoine Baudrad berak 1681-1682 urteetan argitaratu zuen Geographia ordine litterarum disposita hiztegian oinarrituta dago. Hiztegia prestatzen ari zela Michel Antoine Baudrand hil zen (1700), eta Jean Gelé abadeak bukatu zuen lana.
Soraluzeri buruzkoak
(II. liburua, 11. orrialdea)
- Placentia, Plasencia, Espainiako herria, Gipuzkoako probintzian.
(II. liburua, 1411. orrialdea)
- PLACENCIA, Placentia, Espainiako hiri txikia, Gipuzkoako Probintzian eta Bizkaia ondoan, Deba ibaiaren ertzean, Ozeanoko itsasertzetik hiru legoatara. 1343. urtean Gaztelako Alfontso IX. erregeak eraiki zuen, eta han egiten diren arma kopuruagatik oso ezaguna da, eskualdean burdin meategi onak dituelako, Garibaik azpimarratzen duen moduan.
Erreferentziak
- Dictionaire géographique et historique. Parisko Liburutegi Nazionala (Bibliotheque Nationale de Paris)