Ainhoa Soraluze (eu)
| Ainhoa Lopez Soraluze Ainhoa Soraluze | |
|---|---|
| |
| Jaio | Errenteria, |
| Hil | |
| Profila | Abeslaria, irakaslea |
Ainhoa Lopez Soraluze mezzosopranoa Errenterian jaio zen.
Publiko aurreran aritzeko bi izen erabili izan ditu: Ainhoa Soraluze eta Ainhoa Lopez Soraluze.
Ikasketak
Musika ikasketak bere herriko Udal Kontserbatorioan hasi zituen, gero Donostiako Goi Mailako Kontserbatorioan kantuan eta kontrabaxuan diplomaturarekin amaitzeko.
Bere lehen kantu irakaslea Juan Eraso tenore nafarra izan zen, Italiara joan zen arte bere prestakuntzaz arduratu zena. Italian, bikaintasunaren bidean jarraitu zen Giuseppe Valdengo baritonoaren, Franca Mattiucci mezzosopranoaren eta Simone Alaimo baxuaren gidaritzapean.
Jarduera profesionala
Bere jarduera profesionala Italia eta Espainiaren artean egin du, opera eta errepertorio sakratu alde batetik, eta ganberako hainbat ekoizpen eta kontzertutan parte hartuz.
Protagonista gisa debutatu zuen opera ekoizpen desberdinetan, besteak beste, Giacomo Rossiniren Sevillako bizargina eta L’Italiana in Algeri, Gaetano Donizettiren La Favorita, Giacomo Pucciniren Madama Butterfly eta Giuseppe Verdiren Il Trovatore.
Musika sakratuaren errepertorioa zabala du ere: Johan Sebastian Bach-en "Meza B minorrean", Antonio Vivaldiren Gloria, Giovanni Battista Pergolesiren Stabat Mater, Giacomo Rossini-ren Petit Messe Solemnelle eta Stabat Mater, Giuseppe Verdiren Requiem...
Hainbat antzokita aritu da, besteak beste, Regio di Torino (Daniel Oren maisuaren zuzendaritzapean), Milango Teatro alla Scala, Sala Verdi eta Duomo, Veneziako San Marco basilika...
Ainhoa Lopez Soraluze kantu lehiaketetan ere nabarmendu da. Batzuk aipatzearren, Paviako Ahots Berrien Nazioarteko Lehiaketa, Sanremo Classic Nazioarteko Lehiaketa eta Saleko Luigia Stramesi.
Irakasle
Gaur egun, Giulio Rusconi Musika Institutuan[1] aritzen da, kantu lirikoa eta kontrabaxu eskolak ematen. Horretarako kantu irakasle bikainekin izandako masterclass garrantzitsuenetan ikasitakoak erabiltzen ditu, maisu esanguratsuena Giulietta Simionato dela.
Urteetan zehar esperientzia hezitzaileak partekatu ditu Renata Scotto, Claudio Desderi, Claudio Thiolas, Vittorio Terranova, Fernando Bandera eta Sara Corti-rekin, baita Alberto Zedda, Eduardo Muller, Janos Acs eta Vicente La Ferla maisuekin, denek kantua eta musika orokorrean irakasteko moduan bideratu dutela.
Erreferentziak
- ↑ Istituto Rusconi. Web ofiziala.