Ondare txikia. Ateak (eu)

Etxeetara sartzeko eta irtetzeko guneak dira eta, beraz, puntu ahulenak. Horregatik, garai batean egurrezko ate astunak izaten ziren, gauez barrutik trabatzen zirenak. Arrazoi berberagatik denak barrura zabaltzen dira, eta ez kanpora.

Ateak etxearen araberakoak izaten ziren. Etxe garrantzitsuenek, harrizkoak, ate handiak izaten zituzten harrizko ateburuaz. Behe mailako etxeetan, aldiz, ateak txikiagoak ziren eta, askotan, ateburua egurrezkoa izaten zuten.

XX mendean babes funtzio honek pisua galdu zuen, ateak gero eta arinagoak izanik. Baina aparteko garrantzia ematen zitzaion itxurari, etxearen maila adierazteko.

Geratzen diren atetzarrak

Etxe nagusieteko ateak handiak izaten ziren. Forma aldetik bi motakoak ziren: borobilak, uztaia harrizko dobelez eginda zutela, eta laukiak, harrizko ateburua zutenak.

Bakar batzuk besterik ez dira gorde Soraluzen: batzuetan etxea goitik behera berreraiki dutelako, besteetan ataria birmoldatu dutelako edo, azkenik, ate bera arinago eta gardenago batez ordeztu dutelako.

Arku borobileko lau ate oso daude: Kalebarren 1, Gabolats 2, Gabolats 20 (sotokoa, Altun errekara ematen duena) eta Atxuri 5. Gabolats 2koak (Arregia jauregia) badauka bitxikeri bat: arku berea ate berbera jarri zuten atzera... baina ia metro bat beherago, goiko aldean beiratea jarriz!

Kalebarren 1
(J.C. Astiazarán 2021)
Arregia jauregia (Gabolats 2)
(J.C. Astiazarán 2021)
Arregia jauregia (Gabolats 2)
(I. Ojanguren)
Atxuri 5
(J.C. Astiazarán 2021)

Ate laukiak, berriz, beste bost: Kalebarren 3 (bi orrikoa), Elizburu 3, Gabolats 16, Baltegieta 7 (Zupide jauregia) eta Errabal 13.

Kalebarren 3
(J.C. Astiazarán 2021)
Elizburu 3
(J.C. Astiazarán 2021)
Gabolas 16
(J.C. Astiazarán 2021)
Baltegieta 7 (Zupide)
(J.C. Astiazarán 2021)
Errabal 13
(J.C. Astiazarán 2021)

Atetzarren aztarnak

Gehiago diren atetzarrak izanaren aztarnak geratzen direnak; hau da, harrizko hutsunea horman atetzarra falta dena.

Kasu gehienetan atea ordeztu dute, arinago edota txikiago bat jarriz: Kalebarren 7, Santa Ana 1 (Udaletxea), Santa Ana 7, Etxaburueta 2, Gabolats 20, Baltegieta 6 (Intxaurdieta etxea), Baltegieta 22 (Mendikute jauregia), Atxuri 9...

Besteetan zuzenean kendu dute atea: Santa Ana 9, Santa Ana 12 (Ormaetxea).

Kalebarren 7
(J.C. Astiazarán 2021)
Santa Ana 7
(J.C. Astiazarán 2021)
Santa Ana 9
(J.C. Astiazarán 2021)
Ormaetxea (Santa Ana 12)
(J.C. Astiazarán 2021)
Etxaburueta 2
(J.C. Astiazarán 2021)
Gabolats 20
(J.C. Astiazarán 2021)
Baltegieta 6 (Intxaurdieta)
(J.C. Astiazarán 2021)
Baltegieta 22 (Mendikute)
(J.C. Astiazarán 2021)
Atxuri 9
(J.C. Astiazarán 2021)

Azkenik, batzuetan atea zena erakusleihoa bihurtu dute: Kalebarren 2 (Abadetxea), Kalebarren 9. Eta, inoiz, itxi: Gabolats 2 (Arregia jauregia, sotoko atea), Atxuri 7.

Kalebarren 2
(J.C. Astiazarán 2021)
Kalebarren 9
(J.C. Astiazarán 2021)
Atxuri 7
(J.C. Astiazarán 2021)

XX mendeko ateak

XX mendean hasi ziren halako itxura aberatsa ematen atarien ateei: Santa Ana 4, Errabal 7...

Santa Ana 4
(J.C. Astiazarán 2021)
Errabal 7
(J.C. Astiazarán 2021)

Errabal 8ko ateak aipamen berezia merezi du. Bi ziren, berdinak, atarikoa eta beheko lokalarena. Gerra ostean eraiki zuten etxea, arrazionalismo estilokoa, eta ate hauek estilo berekoak ziren. Gaur egun, atarikoa aldatu zuzenez, beheko solairuarena besterik ez da geratzen.

Errabal 8
(J.C. Astiazarán 2021)

Eta beste bat aipatu beharrekoa Gabolats 34koa da, gerra ostean egindakoa hau ere. Hemen bi estilo nahasten dira: goiko aldean neobaskismoa agertzen da, bi ateak euskal estiloko irudiekin landuta daudela, eta ateen erdi aldean arrazionalista estiloko lehiatilak ditu.

Gabolats 34
(J.C. Astiazarán 2021)
Egur lana
(J.C. Astiazarán 2021)
Ezkerreko orria
(J.C. Astiazarán 2021)
Eskumako orria
(J.C. Astiazarán 2021)
Lehiatilak
(J.C. Astiazarán 2021)

Erreferentziak