Gure Karlos erregeaz (eu)
| Izenburua | Gure Karlos erregeaz |
| Egilea/k | ezezaguna |
| Hizkuntza | Euskaraz |
| Iturria | Rosalia Izagirre |
| Partitura | sakatu hemen |
| Entzuteko | sakatu hemen |
Letra
Gure Karlos erregeaz
ondo gera oroitzen:
Euskal-Errietan
anaiak alkar iltzen,
eurak Durango'n bailerik baile
neskatxak engañatutzen...
Gure lege zarrak
esku onetan zebiltzan.
Jaime hirugarrena
Españian errege
jaimista batzuek
jarri omen nahi dute,
…/…
jaimista euskalduna
noizbait esnatu zaitez.
Azalpenak
Aurreko bertsoak hirugarren karlistadakoa ematen du, orduko jauntxoak kritikatuz. Bartan agertzen den Karlos erregea Carlos María de Borbón y Austria-Este (1848–1909) izan daiteke.
Bigarren bertsoa, beriz, urte batzuk geroago prestatuko zuten: Carlos aita hil eta gero, Jaime semea errege izendatu zuten (1909-1931).
Dena dela, bigarren bertso honek jatorrizkoa[1] ordezkatzen du:
- Osaba-illobak
- asarretu-papera
- ederki egin zuten
- guri jartzeko gerra:
- relijioa aotan artu
- eta mutillak iltzera.
- Karlista euskalduna,
- lotsatzen ez al zera?
Berrogetamar urte geroago Andres Ezenarro Urzelai musikariak doinua bera erabili zuen Hau da barregarria bertsoa paratzeko.
Erreferentziak
- ↑ Gerrateko ibilerak (I). Iñaki Alkain eta Antonio Zavala. Auspoa Liburutegia (1981). Ondarruko Gazagatarren familiko Andre Bixentari jasotakoak: Guziak sei izango ziran bañan nik orain bi dauzkat buruan.