Azala

Soraluze herriaren enziklopedia, iraganeko eta oraineko gordailu. Ezagutu maitatzeko!

Ba al zenekien...
...inguruetako mendi altuena Soraluzen dagoela?
	Kurutzebakar dauka izena, eta Mazelaegi (Kortazar-Irimo) mendilerroko altuena da. Altuagoak bilatzeko Ekialdera Kakuta (927 M, Izarraitz, Azkoitia), hegoaldera Jentiletxe (912 m, Legazpia eta Oinati artekoa) eta Udalatx (1.120 m, Arrasate) eta mendebaldera Amboto (1.131 m, Durango) eta Oiz (1.026 m, Durango). Irukurutzeta ondoan dago, eta bion bitartean Kurutzezaarra tontorra, Arribiribilleta zutarria dagoen tokia. Gurutzea aspaldi desagertu zen, eta izena ahaztuta dago, baina Irukurutzetako erromeria, segururena, Kurutzezaarrean bertan sortuko zen. Mendira joateko, Soraluzeti hiru aukera nagusi daude: Mazelaegira igo (Kortazar, Akelarre, Pagomuneta, Atxolin, Atxolin Txiki, Kurutzebakar, Kurutzezaarra, Irukurutzeta, Leiopago, Elosumendi, Aizpuruko Zabala...), Sagar-erreka aldera jo (Kurutzeko Gaña, Krabelinatx, Garbe, Tranku, Azkonabieta, Galdaramiño, Azurtzamendi, Topinburu , Aingeruguarda eta Illordoko Gaña) eta, Maltzagatik barrena, Arrateko mendietara (Akondia, Kalamua, Urko...). Soraluze inguratzen mendiak ez dira nolanahikoak, bere garrantzia dute Euskal Herrian: Horietako hamar Ehun Mendien lehiaketarako balio dute eta. Gehiago jakiteko, sakatu hemen

Zer da Sorapedia? Hemen daukazu aurkezpen bideoa. Begiratu Erabiltzailearen gida Sorapedia erabiltzeko. Eta ekarpenak egiteko Laguntzailearen gida irakurri.

¿Qué es Sorapedia? Aquí tienes el video de presentación. Para utilizar Sorapedia consulta la Guía de utilización. Y si quieres aportar lee la Guía del colaborador.

Gaur egun, 2024eko azaroaren 23, Sorapediak 1.640 sarrera ditu, eta 5.858 fitxategi (batik bat argazkiak).