7301 lokomotora (eu)
Prototipoa
1930 hamarkadan, Espainiako trenbide konpainia garrantzitsuenek elektrifikatzeko asmoa agertu zuten.
Compañía de los Caminos de Hierro del Norte de España enpresak ere bere trenbideak ere elektrifikatu nahi zituen, batez ere tarte gogorrenak, Espainiako Sistema Zentrala zeharkarzen zutenak: Madril-Ávila eta Madril-Segovia.
Horregatik, Nortek (Compañía de los Caminos de Hierro del Norte de España) lokomotora elektriko indartsu baten prototipoa eskatu zion SECNri[1].
SECNek Reinosako lantegian montatu zuen prototipoa, eta 1932ko maiatzean Norteri eman zion. Lokomotorak 1.500 voltiotan lan egiten zuen, eta motorek 3.120 CVtako indarra zuten. Gehienezko abiadura orduko 110 km-takoa zuen. Espainian inoiz egin den lokomotora astunena (151,6 tonelada) izan zen[2].
Tamalez, Errepublika garaian ekonomiak behera egin zuenez, ez zen eskaera gehiagorik izan.
Soraluzeko lantegiaren partaidetza
Lokomotora hone osagaiak Vickers taldearen beste enpresei eskatu zizkien. Esateko, ekipo elektrikoak Metropolitan Vickers-enak ziren.
Beste hainbat osagai Compañía Anónima Placencia de las Armas-ek Soraluzen egin zituen, José Sirvent Dargent[3] ardurapean.
Bizitza
Hasieran, 7301 lokomotorak Altsasu-Irun trenbidean egin zuen lan, oso emaitza onekin[4]. Gero Madril-Ávila-Segovia, Miranda-Irun eta Miranda-Burgos trenbideetan erabili zuten.
Azkenik, Irungo depositoan izan zuten, 1976 zerbitzutik atera zuten arte[5].
Zeukan indarrarengatik la leona esaten zioten. 1976 urte arte lanean aritu zen.
Gaur egun
Gaur egun Madrilgo Trenbide Museoan[6] gordetzen da, eta erakusgarri dago.
(1) “100 urte trakzio elektrikoa euskadiko trenbideetan - Donostia – Hernani Trenbidea/El ferrocarril de San Sebastián a Hernani - 100 años de tracción eléctrica en los ferrocarriles de Euskadi” de Juanjo Olaizola Elordi, Euskotren, 2003
Argazkiak bi lan hauetatik atera ditut, BNE-n gordetzen direnak, eta horrexegatik jarri dizkiet urteak:
Resumen de Obras - Sociedad Española de Construcción Naval (SECN) 1930 Resumen de Obras - Sociedad Española de Construcción Naval (SECN) 1931 Hemeroteca de Biblioteca Nacional de España (BNE)
Eta hemen lokomotoraren argazki gehiago. La leona 7301
Erreferentziak
- ↑ Sociedad Española de Construcción Naval, artean Vickers talde britaniarrarena zena, Soraluzeko The Placencia de las Armas Company Limited bezela.
- ↑ Ferropedia.
- ↑ Archivo de Sociedad Estatal de Participaciones Industriales (SEPI). José Sirvent Dargent-en curriculum vitae, INIn (Instituto Nacional de Industria).
- ↑ Resumen de Obras. Sociedad Española de Construcción Naval (SECN 1931).
- ↑ 100 urte trakzio elektrikoa Euskadiko trenbideeta. Donostia–Hernani trenbidea / El ferrocarril de San Sebastián a Hernani. 100 años de tracción eléctrica en los ferrocarriles de Euskadi. Juanjo Olaizola Elordi (Euskotren 2003).
- ↑ Madrilgo Trenbide Museoa.