Juventud Gonzaga. Aldizkaria (eu)

Elizak, fededunak inguruan mantentzeko, kongregazioak sortu zituen: gizon, emakume, santu baten zaleak, gazteak, umeak... denetik izaten ziren.

Gerra ostean, Soraluzen bi ziren gaztedia batzeko asmatutakoak: Juventud Gonzaga eta Juventud Femenina Parroquial.

Biek zuten bere aldizkaria. Juventud Gonzaga de Placencia 1958 urtean sortu zen. Beste gauza askoren moduan, Batikano II Kontzilioaren ostean desagertu zen.

Azalpena

Aldizkaria baino, orri bat zen, A4 baino handiagoa, erditik tolestuta.

Astero argitaratzen zuten, eta nesken aldizkariarekin alderatuta, profil askoz "jasoagoa" zuen: kongregazioaren berriak, munduko berriak (beti ikuspuntu erlijioso batetik), artikulu "sakon" bat eta, bukatzeko, tarte arin bat: istorioren bat gehi txisteak.

Bitxikeri moduan, bertan Kongregazioaren meza iragartzen zuen, eta zeintzuk izango ziren eliz mutilak zein bandeja pasako zutenak.

Ale bat ikusteko, sakatu hemen.