Gaceta de Madrid. Udala (eu)

Adi! Artikulu hau oraindik argitaratze prozesuan dago.

Zuzentzen baduzu, edo informazioa gehitzen baduzu, mesedez ez kendu ohar hau. Eskerrik asko!

Sarrera honetan Gaceta de Madrid aldizkarian agertutako berriak (1900 arte) eta Udalarekin zerikusia dutenak agertzen dira. Guztiak ikusteko, sakatu hemen.

Politika

1839/12/09. Gipuzkoako 11 eskualde berriak

Gaceta de Madrid, 1856 zbk. 2. orrialdea. Jatorrizkoa ikusteko, sakatu hemen.

Donostia, abenduaren 2a.

Gipuzkoa hamaika barrutitan banatzen da:

1. Irun: Irun, Oiartzun, Hondarribia eta Lezo.

...

9. Elgoibar: Elgoibar, Eibar, Deva, Motrico, Placencia.

1860/04/23. Erreginarendako atxekimendua

Gaceta de Madrid, 114 zbk. 1. orrialdea. Jatorrizkoa ikusteko, sakatu hemen.

Erreginak (Jaungoikoak Gorde Dezala) atsegin handiz jaso ditu bere Errege Pertsonaren atxikimendu- eta leialtasun-sentimenduak, Ortega jeneral ohiaren matxinada karlistaren harira korporazioek eta partikularrek adierazi dutenez, jarraian adierazten direnak:

...

Gipuzkoa. — Hiriburuko eta herri hauetako alkateak, bizilagunen izenean: Hernani, Urnieta, Andoain, Villabona, Tolosa, Alegia, Ikaztegieta, Itsasondo, Ordizia, Beasain, Idiazabal, Segura, Zegama, Oñati, Arrasate, Bergara, Soraluze, Eibar, Elgoibar, Azkoitia, Azpeitia, Zestoa, Zarautz, Orio eta Usurbil; eta Monterroneko kontea.

1870/11/23. Amadeo I-rendako atxekimendua (Eibarren)

Gaceta de Madrid, 327 zbk. 2.-4. orrialdeak. Jatorrizkoa ikusteko, sakatu hemen.

Eibarko Alkatetza. — Jaun txit gorena: atzoko ordu bata eta erdietan, Soraluzeko komandante militarrak Gorte Konstituziogileen berri eman zidan. Albiste bikaina herrian kanpai-hots orokorrarekin ospatu zen, eta militarren zein danborjoleen musika banden kalejirekin, gauez argi guztiak piztu zirela.

Jainkoak Berori urte askotan gorde dezala. Eibar, 1870eko azaroaren 18a. = Félix de Guisasola. = Probintzia honetako gobernadore jauna.

1870/12/18. Amadeo I-rendako atxekimendua (Soraluzen)

Gaceta de Madrid, 352 zbk. 1.-2. orrialdeak. Jatorrizkoa ikusteko, sakatu hemen.

Soraluze herri noble eta leialaren udal herrikoiak, Gipuzkoan, imajina daitekeen poz guztiaz Berorri komunikatzen dio Udal korporazio hau berez eta bertako bizilagunen izenean sutsuki bat etortzen dela Gorte Konstituziogileek gure Erregetzat hartu duten Aostako Dukearen izendapenarekin, eta nazio Ordezkaritzak zoriontzen du hautaketa honetan asmatzeagatik. Udal korporazio hau irrikitan dago Printzipe goren hori San Fernando tronoa betetzera etortzeko, eta botoak egiten ditu bere oparotasunaren eta gure nazioaren alde, bere zetroaren pean urte askoan espainiarrek eta udal honek nahi duten bezain zoriontsua izango dena, zalantzarik gabe.

Soraluze, 1870eko azaroaren 27a. — Alkatea, Ciríaco Larros. — Zinegotziak, Martin de Azcárate Gatelo. — Juan José de Artolazábal. — Manuel Agustin de Artolazábal. — José de Artolazábal. — Idazkaria, Manuel de Arrate.

1880/07/27. Gipuzkoaren barrutiak Aldundia aukeratzeko

Gaceta de Madrid, 209 zbk. 265. orrialdea. Jatorrizkoa ikusteko, sakatu hemen.

Gipuzkoako probintziaren banaketa, probintziako diputatuentzako hauteskunde-barrutietan.

Biztanleria, 170.209. — Diputatu kopurua, 20

...

Bergarako barruti judiziala. — 4 diputatu.

Hamaseigarren barrutia. — Bergara. — Bergara, Oñati, Elgeta, Antzuola.

Hamahirugarren barrutia. — Elgoibar. — Elgoibar, Soraluze, Urretxu, Zumarraga, Legazpi.

Hemeretzigarren barrutia.- Eibar. — Eibar, Mutriku.

Hogeigarren barrutia. — Arrasate, Aretxabaleta, Eskoriatza, Gatzaga.

Komunikabideak

1863/08/06. Posta antolaketa

Gaceta de Madrid, 218 zbk. 4. orrialdea. Jatorrizkoa ikusteko, sakatu hemen.

Posta.

Administrazio Zentralari dagokionez, hurrenez hurren kutxa nagusiak hartzen dituzten herrien izendegiak, La Mala izeneko ibilbidean horiek izendatzeko erabiltzen diren zenbakiak, Anbulanteak eta Atxekituak.

Kutxa zk. 6. – Gasteiz.

... Soraluze (Herriak) Hiribildua (Sailkapena)

1866/03/10. Telegrafoa kendu zenekoa

Gaceta de Madrid, 69 zbk. 2. orrialdea. Jatorrizkoa ikusteko, sakatu hemen.

Gobernazio Ministerioa. Telegrafoak.

Azken abenduaren 21eko Errege Aginduan xedatutakoa betez, gaur egungo abenduaren 6an San Mateoko telegrafo-estazioa itxi egin da.

Elorrio, Gernika, Arrasate, Soraluze eta Getariako estazioak, urtarrilaren 16ko Errege Aginduak ixteko esaten zituenak, aurreko otsailaren 3an ere itxi ziren.

Osasuna

1863/09/15. Mediku plaza libre

Gaceta de Madrid, 258 zbk. 3. orrialdea. Jatorrizkoa ikusteko, sakatu hemen.

Soraluzeko Udal konstituzionala.

Soraluze hiribilduko Udalak (Gipuzkoa) 500 bizilagun ditu, eta bertako Mediku plaza hutsik dagoela iragartzen dio publikoari. Udal funtsek urteko 6.600 erreal ordaintzen dituzte, hiruhilekotan. Horrez gain, baserrietan 2 erreal eta kalean erreal erdi bisitako; eta 2.880 erreal Artilleriako gorputz txit ospetsuak bertan duen fabrika nazionaleko kutxak hilekotan ordainduta.

Hautagaiek datorren urriaren 7rako aurkeztuko dituzte eskabideak, aipatutako alkatearen bidez. Soraluze 1863ko irailak 7an. = Alkatea, Martin de Azcárate Gaztelu.

1865/06/24. Mediku plaza libre

Gaceta de Madrid, 175 zbk. 5. orrialdea. Jatorrizkoa ikusteko, sakatu hemen.

Soraluzeko alkatetza konstituzionala.

Placencia hiribildu honetan, Gipuzkoako probintzian (biztanleriaren azken erroldaren arabera 440 bizilagun ditu) zirujau-mediku plaza bakarra, bigarren mailakoa, hutsik dagoenez, probintziako gobernadore jaunaren onespenarekin, 450 familia pobre bisitatzeko betebeharragatik 3.000 erreal ordaintzen dira, eta beste 20 erreal hortik gorako familia bakoitzeko, udal-funtsak hiruhilekotan ordaintzeko. Penintsulako alderdi medikoen antolaketari buruz errege-dekretuak eta erregelamenduak ezarritako baldintzak eta inguruabarrak, 1864ko azaroaren 9koak, jendaurrean jartzen da, hautagaiek, 30 eguneko epean, beren eskabideak eta merezimendu-zerrendak aurkez diezazkioten aipatutako Alkateari.

Soraluze, 1865eko maiatzaren 22a. = Alkatea, Martin de Azcárate Gaztelu.

1866/05/30. Mediku plaza libre

Gaceta de Madrid, 150 zbk. 4. orrialdea. Jatorrizkoa ikusteko, sakatu hemen.

Soraluzeko alkatetza konstituzionala.

Hutsik dago Soraluze hiribilduko Mediko-Kirurgialari plaza, Gipuzkoako probintzian. 440 herritarrek osatzen dutela; plazak urteko 40.000 errealekoa da, hiribildu bereko udal-kutxak hiruhilekotan ordaintzen dituela. Bertako biztanle guztiak bisitatu beharko ditu, baita herri horretan dauden armak aztertzeko batzordeakideak eta beren laguntzaileak ere; kaleko bisita bakoitzeko erreal erdia eramandgo dute, baserrikoengatik 3 erreal eta erditze bakoitzeko 30 erreal.

Eta hori iragartzen da, hautagaiek, 30 eguneko epean, eskabide dokumentatuak aurkez diezazkioten herri honetako Udalari.

Soraluze, 1866eko maiatzaren 30a. = Alkatea, Martin de Azcárate Gaztelu.

Hezkuntza

1780/03/31. Marrazketa Eskola

Gaceta de Madrid, 26 zbk. 227. orrialdea. Jatorrizkoa ikusteko, sakatu hemen.

Gipuzkoako Soraluze, martxoak 14an.

Joseph María de Lardizabal jaunak, Caracaseko Errege Konpainiaren aldetik Erret Arma Lantegi hauen zuzendariak, haiek perfekzionatzeko marrazki-eskola bat ezartzearen garrantziaz konbentzituta, plan bat prestatu zuen; eta Bere Maiestatearen onespena lortu ostean, joan den urriaren 3an irakasketa hartako maisu-plaza oposatzeko lehiaketa ireki zuen. Aipatutako Zuzendariak oposaketa-ekitaldia hitzaldi batekin eman zion hasiera, antzinako mosketearen edo txuzoaren ordez gaur egungo Infanteriako fusila sartu zenetik egindako aurrerapenak ikustaraziz; langileen trebetasuna hobetzeko egokitzat jotzen zituen bitartekoak, marrazketa eraginkorrena zela adieraziz; eta, azken boladan, gazteak adoretu egin zituen, sail horretan ahalik eta perfekziorik handiena lortzeko ahalegina eta aplikazioa egin zezaten. Ondoren, eskola horretan indarrean egongo den plana irakurri zen. Irakurketa eta oposizioa amaitu ondoren, maisu-plaza Joachin Calderón-i eman zitzaion, Erregearen aldetik Fabriketan bertan aztertzaile izan zena. Marrazketa Eskola hil bereko 9ko gauean hasi zen, 95 ikasle bertaratu zirela, beren lanak irmo jarraitzen dutela.

1824/11/30. Latin irakaslea

Gaceta de Madrid, 151 zbk. 608 orrialdea. Jatorrizkoa ikusteko, sakatu hemen.

Hutsik dago Soraluze hiribilduko latin irakasle plaza, Gipuzkoako probintzian. Lortuko duenak apaiz sekularra behar du izan, aitorle onartua, eta gure ERREGE jaunaren eskubide sakratuen aldekoa. Urteko 2.378 erreal koartoez gain, ikasle herrikosemei hileko 4 erreal koarto kobratu ahal izango dizkio eta beste ordainketa batzuk ere izango ditu. Oposizioaz erabakiko da, eta aurkeztu nahi dutenek hiribildu horretako patroien mandatari jaunei eskaerak zuzenduko dizkiete 30 eguneko epean, argitalpen honetatik kontatzen hasita.

1895/01/29. Prudencio Espina maisua

Gaceta de Madrid, 29 zbk. 329.-330. orrialdeak. Jatorrizkoa ikusteko, sakatu hemen.

Instrukzio Publikoko Zuzendaritza Nagusia

Lehen irakaskuntza

Valladolideko Unibertsitate barrutia - Gipuzkoako probintzia

Maisuen behin betiko maila

...

60 (Ordena-zenbakia) Prudentzio Espina (Izenak) Soraluze (lanean ari den herria) 14 (urteak) 8 (hilabeteak) 6 (egunak) Hirugarrena (1877ko apirilaren 27ko Errege Dekretuaren 3. artikuluaren kasua).

1898/12/02. Prudencio Espina maisua

Gaceta de Madrid, 336 zbk. 856.-857. orrialdeak. Jatorrizkoa ikusteko, sakatu hemen.

Instrukzio Publikoko Zuzendaritza Nagusia

Maila-igoera lehiaketa — 1898. urtea

1.898 urteko otsailaren 18ko "Gacetan" iragarritako 1.100 pezetako legezko soldataz hornitutako eskoletako maisu-maistren merezimenduen zerrenda, indarrean dagoen erregelamenduan ezarritakoaren arabera.

...

112 (Zenbakizko sailkapena) Espina y García (Lehiatzaileen abizenak) Prudencio (Izena) Oinarrizkoa (Duten titulu mota) 825 pta. (Legezko soldata jabetzan) 825 pta. (Lehiaketarako soldata konputagarria) 20 2 12 (Azken kategoriako zerbitzu-urteak) 20 2 12 (Irakasletzako zerbitzu-urteak) 1 1 24 (Bitarteko zerbitzuak) Bi (Gainditutako oposizioak) Ondarroa, Mutriku, Abanto eta Zierbena, Padrón eta Ordizia (Lehentasun-ordenaren arabera eskatzen dituen eskolak) Bat ere ez (Proposatzen zaion plaza) Proposatuta daudelako. Soraluzen ari da lanean (Oharrak)

Ondasuna

1878/06/07 "MINISTERIO DE HACIENDA. Dirección de la Caja general de Depósitos Esta Dirección general ha acordado el pago para el dia 17 del actual, de diez de la mañana á dos de la tarde, de los créditos por capital é intereses procedentes de la tercera parte del 80 por 100 de bienes de Propios pertenecientes á los Ayuntamientos que á continuación se expresan: ... Ayuntamiento de Placencia, provincia de Guipúzcoa. ..."

1881/12/19 "Direccion General de Propiedades y derechos del Estado Estado de los compradores de bienes desamortizados contra quienes se ha expedido apremio en el primer trimestre de 1881-82 por débitos de 5.000 pessetas en adelante. … Guipúzcoa (Provincias) 8 (Número de orden en el Boletín de la Provincia) Ayuntamiento de Placencia (Nombre del deudor) Seis censos (Clase de las fincas) Clero, Instrucción pública y Beneficencia (Procedencia) San Sebastián (Término municipal en que radican) 42.487‘94 (Importe del débito - Ptas. Cents.) ..."

1882/11/09 "Dirección general de la Deuda pública. Relación de las inscripciones intrasferibles de la renta perpetua al 3 por 100 que esta Dirección general ha remitido del 12 al 24 de Octubre próximo pasado a las Delegaciones de Hacienda de las provincias que á continuación se expresan para su entrega á las corporaciones ó establecimientos a cuyo favor se hallan expedidas. ... PROVINCIA DE GUIPÚZCOA. Ayuntamiento de Placencia. ..................... 876.347,50 (Capital nominal - Ptas. Cents.) ..."

Dirulaguntzak

1868/02/04 "Suscricion para aliviar las desgracias causadas por las inundaciones, huracanes y terremotos de Filipinas y de Puerto Rico. … DEPOSITADO EN LA SUCURSAL DE GUIPÚZCOA. El Ayuntamiento y vecinos de Placencia......................... 20 escudos"

1871/09/20 "MADRID 20 DE SETIEMBRE DE 1871. Lista general de suscricion nacional verificada por la comisión encargada de erigir un monumento a la memoria del Excmo. Sr. D. Juan Prim y Prats. … Suscricion de Placencia (Guipúzcoa). Idem en dicha población.................................62,50 pesetas"

1878/12/30 "JUNTA DE SOCORROS Á LAS FAMILIAS DE LOS NÁUFRAGOS DEL CANTÁBRICO. SUSCRICION NACIONAL. … PROVINCIA DE GUIPÚZCOA. ... Ayuntamiento de Placencia........................... 435,87 Ptas. ...

Bestelakorik

1804/06/26. Urteko azoka eta hileko merkatua

Gaceta de Madrid, 51 zbk. 564 eta 565 orrialdeak. Jatorrizkoa ikusteko, sakatu hemen.

Bere Maiestateak nahi izan du Soraluze hiribilduari, Gipuzkoako probintzian, urteko azoka abuztuaren 15ean hasita eta 8 egunez jarraian egin ahal izateko baimena ematea, eta hilabete bakoitzeko bigarren larunbatean merkatua egiteko, bata zein bestea labore eta hornidurei mugatuak, eta abereak kanpoan utzita.