Herri txiki, infernu handi (eu)
EITBko saio honek bakarrizketak, umorea eta bertsoak uztartzen ditu. Horretarako Mikel Pagadi, Zuhaitz Gurrutxaga eta Sebastian Lizaso bertsolaria herri txikietan barrena ibiltzen dira.
2018 urtean bosgarren denboraldiari ekin zioten eta, besteak beste, Soraluze aukeratu zuten 97. saiorako.
Grabazioa
Programaren grabazioa bi zatitan egin zuten, gainontzeko programak bezela.
Aurretik, herritarren lekukotasunak biltzeko eta kaleko grabazioak egiteko, urriko lehen bi asteetan ibili ziren herriaren barrena. Hamar pertsonak elkarriztatu zituzten: Juan Luis Ugalde, Maddalena Zubizarreta eta Jose Manuel Lizarralde, Egoitz Unamuno, Pedro Mari Lete Pedri, Iker Aldazabal, Joxe Ramon Etxeberria, Luzio Oruesagasti, Ezozi Etxeberria eta Gregorio Uribe Sinatra.
Gero, urriak 18an, ekitaldi publikoa egin zuten. Arane polikiroldegiko aretoan (zinean) grabatzeko asmoa zegoen, baina 250 lagunentzako sarrerak agortu zirenez, frontoia prestatu izan behar zuten grabazioa egiteko.
Gero Zuhaitz Gurrutxagak esan zuenez[1], Soraluzekoa oso programa berezia izan omen zen, batez be jendearen harrera eta jarrerarengatik:
- Bene-benetan eskerrak eman nahi dizkiet Soraluzen hain ondo hartu gaituztenei. Frontoikoa momentua oso goxoa izan zen, 300 pertsonatik gora bildu ziren, ez dut gogoratzen saio bat horrenbeste aldiz txaloekin eta barreekin bideoak horrenbestetan moztu izana…
Emisioa
Soraluzeri zegokion programa 2018ko azaroak 18an eman zuten, igandea, ETB1 katean, gaueko 10:00tan.
Propaganda gisa laburpena prestatu eta sare sozialetatik zabaldu zuten. Ikusteko sakatu hemen.
Edukia
Programak hainbat atal izan zituen:
- Sarrera.
- Kristobal Kolon berak, Soraluzen jaioa! Ikusteko sakatu hemen
- Jose eta Magdalena, "Total Crunch" gimnasio-makinan trebeak. Ikusteko sakatu hemen
- Soraluzeko ondareak: "Marras" barraskilo erraldoia eta "Sorapedia". Ikusteko sakatu hemen
- Soralizeko sexualitateaz gozatzen, Pedriri esker. Ikusteko sakatu hemen
- Iker Soraluzeko alkatea eta plastikozko hontza, udaletxeko arduradunak. Ikusteko sakatu hemen
- Ezoziren ortuan, irribarrea eta rantxerak nagusi. Ikusteko sakatu hemen
- Luzio eta "perretxikozgailua", perretxikoz betetako izozkailu handia. Ikusteko sakatu hemen
- Jose Ramon eta Zuhaitz, nor baino nor, egurra txikitzen. Ikusteko sakatu hemen
- Gregorito "Sinatra", Soraluzeko "izarra". Ikusteko sakatu hemen
Sorapediarako sarrerak
Programan, Mikel Pagadik eta Zuhaitz Gurrutxagak hiru sarrera berri proposatu zituzten Sorapediarako:
Erreferentziak
- ↑ Soraluzetarrak harro egongo dira programa ikusten dutenean. Plaentxia.eus