Irukurutzetako erromeria (eu)
Kokapena
Elosua-Plazentzia mendilerroko gailur altuena Irukurutzeta da. Mendi hau burnizko gurutz hirukoitzak koroatuta dago, Azkoitia, Bergara eta Elgoibar-en udal lurren mugarria dena.
Tontor ondoan trikuharri bat dago, eta urrutiago Arribiribilleta izeneko monolito handia.
.jpg)
Aspaldiko erromeria
Maiatzaren lehen igandean erromeria ospatzen zen, trikuharri ondoko zelaian. Azken urteetan erromeri honek ez zeukan erligio kutsurik, baina bai aurretik.
Aintzinean Lezarrisoroko (Bergarako baserria) agurea Irukurutzetako tontorrera urtero igotzen omen zen, maiatzako lehen igandean, bere kapelaren zintan gurutze bat zeramala. Berarekin jende asko joaten zen, eta inguruko herrietako ehundaka lagun hurreratzen ziren: azkoitiarrak, elgoibartarrak, osintxuarrak, plazentziatarrak...
Azkeneko denboretan ez zuen gurutzerik eramaten, baina jende gaztea urtero ospatzen zuen eguna: goizean meza entzun eta arratsaldean, Irukurutzetako zelaian, erromeria dantzaz eta meriendaz.
Bergarako Kapirixo eta Soraluzeko Atseden Txaboleta Elkartekoak ziren erromeri egun honi eusten ziotenak.
Berreskurapena
1.955 urtean erromeria hau ospatzeari laga zioten. 1.980en hamarkadan berpizten saiatu zuten, baina alferrik.
2000. urtetik hona berriro ospatzen ari da, maiatzeko lehen domekan. Soraluzetarrek eta osintxuarrek antolatzen dute elkarrekin: Soraluzeko Atxantxaboleta[1] eta Osintxuko Txurrunbilo elkartekoak.
Salda eta txorixoa Atxantxaboletan prestatzen dituzte plazentziatzarrek eta, hamaika t'erdiak aldera, Txurrunbilo elkartekoek etorritako mendizaleei banatzen diete. Goiz ederra pasatzeko aukera ona.
Erreferentziak
- ↑ Atxantxaboleta edo Atseden-Txaboleta 1974. urtean soraluzetar gazte batzuk Soraluzeko lekurik ederrenetako batean, Txurrukako Edurdungo baserria baino gorago dagoen tontor batean. 2002 urtean zortzi bazkide ziren.