7600 lokomotora (eu)
.png)
Lokomotora berrien premia
Espainiako gerra bukatu eta gero, eta batez ere bigarren mundu gerra ostean, Espainia isolatuta geratu zen: lehengai eskasia alde batetik, eta bestetik makinak eta ekipo-ondasunak inportatzeko zailtasunak. Horregatik RENFEk, 1941 urtean sortua, lokomotora berriak egiterakoan gerra aurreko teknologia erabiltzen hasi zen; edota, kasu onenean, mekanika aldea bertan eginez eta alde elektrikoa atzerrian erosita.
1940 hamarkada bukaeran atzerriko teknologia eskuratzeko aukerak zabaldu zirenean, batzorde teknikoak eratu ziren Europako eta Estatu Batuetako lokomotora elektrikoak aztertu eta Berreraikuntzarako Plan Orokorrerako[1] egokienak aukeratzeko.
7600 Alsthom lokomotorak
Azterketa horien ondorioz, 1950ko urtarrilak 12an RENFEk eta Frantziako Alsthom[2] enpresak kontratua sinatu zuten, Alsthom-en teknologia erabiliz RENFEk 60 lokomotora Espainian eraiki ahal izateko.
RENFEk hainbat puntako enpresa azpikontratatu zituen lan honetarako: MACOSA (Material y Construcciones, S.A.), CAF (Compañía Auxiliar de Ferrocarriles), Babcock & Wilcox, Maquinista Terrestre y Marítima, Compañía de Construcción y Reparación de Buques - Euskalduna, General Eléctrica, CENEMESA, SAPA, EISA (Experiencias Industriales, S.A.) eta SICE (Sociedad Ibérica de Construcciones Eléctricas).
60 lokomotorak ekoizteko, 1951 urteko bukaeran RENFEk eta aipatutako enpresek komenio bat sinatu zuten, eta hamabi kontratu.
SAPAren kontratua
1951ko azaroak 29an 8. kontratua sinatu zen, aparellaje elektrikoari zegokiona (pantografoak, erresistentziak...).
Hiru izan ziren sinatzaileak: José María García Lomas y Cossío (RENFEren zuzendari orokorra), Adolfo de Abreu y Guardiola (SAPAren apoderado orokorra) eta José Centaño de la Paz (Aranjuezeko EISAren zuzendari jerentea).
Lokomotoren ekoizpena
Hurrengo urteetan 60 lokomotorak egin eta RENFEri eman ziźkioten: 1956 urtean bat, 19 1957an, 24 1958an, 21 1959an eta azken lauak 1960 urtean.
1960ko maiatzean RENFEk beste 27 lokomotora egiteko eskaera egin zuen, 1961 eta 1062 urteetan bukatu zirenak.
Azkenik, beste 16 egin ziren 1964 urtean, eta 13 gehiago 1965ean.
Erreferentziak
- Sociedad Anónima de Placencia de las Armas. SAPA. Trayectoria histórica de una empresa (1935-1985). Victor Placencia Mendia (Andoaingo Udala-Leiçaur 2012).