Mapa de España en prefecturas (eu)

    Sorapediatik
    Jcao (eztabaida | ekarpenak)(r)en berrikusketa, ordua: 22:28, 26 azaroa 2023
    (ezb) ←Berrikuspen zaharragoa | Oraingo berrikuspena ikusi (ezb) | Berrikuspen berriagoa→ (ezb)
    Mapa de España dividida en prefecturas
    Egilea
    Urtea 1811
    Hiria Madril
    Tamaina 65 x 88 zm
    Mapa de España dividida en prefecturas (1811).jpg


    Mapa zertan den

    Jose I (1808-1814) Espainiako erregea izan zen, Napoleon anaiak ezarrita.

    Orduko Espainiaren egitura administratiboa oso zaharkitua eta nahasia zen, ertaroko ondorengoa: erresumak, Elizaren esparruak, hiriak, jaurgoak... Frantzia errepublikarraren antzera, Jose I erregeak José María de Lanz y de Zaldívar[1] jaunari eskatu zion antolaketa modernoa diseinatzeko.

    1810eko apirilak 17ean erregeak antolamendu berria onartu zuen, Sevillan. Espainia penintsularra 38 prefekturatan banandu zuten, tamaina antzekoa eta muga "naturalak" ezarriz, ibaiak gehienetan. Izenak ere, Frantzian moduan, geografiatik hartu zituzten.

    Orduan Euskal Herria hiru prefekturatan suertatu zen: Cabo Machichaco (gaur egungo E.A.E., gutxi gora behera), Bidasoa (Nafarroa, Ebro azpikoak kenduta eta Gipuzkoako ekialdearekin) eta Basses Pyrinées (gaur egungo Pyrinées Atlantiques, Iparraldea eta Biarnoa hartuz).

    Dena dela, egitura administratibo berri honek ez zuen asko iraun, 1812.ean Napoleonek berak Ebro iparraldeko lurraldeak bere menpe haertu zituen, gerra iraun artean. Eta gerra frantsesek galdu zutenean, aurreko egiturak berrezarri zituzten.


    Cabo Machichaco prefektura

    Soraluzeri buruzkoak

    Soraluze Cabo Machichaco prefekturan suertatu zen, hiriburua Gasteiz zela. Gutxi gora behera, prefektura honek Araba, Bizkaia, Gipuzkoako mendebaldea eta Burgos iparraldeko muturra hartzen zituen.

    Hiru azpiprefekturatan zegoen antolatuta, hiriburuak Gasteiz bera, Bilbo eta Azkoitia zirela. Soraluze Azkoitiako azpiprefekturari zegokion.

    Soraluze ez da nabarmentzen beste herrien artean.


    Bitxikeriak

    Cabo Machichaco prefektura, gainontzekoen antzera, oso regularra zen. Iparraldeko eta hegoaldeko mugak naturalak ziren, itsasotik Ebroraino zabaltzen zelako. Mendebaldekoa zein Ekialdekoa, berriz, oso artifizialak: mapan marraztutako lerro ia bertikalak.

    Gipuzkoa ekialdea (Donostialdea eta Oria arroa) Bidasoa prefekturan sartu zuten.


    Erreferentziak

    1. ↑ José Lanz. Wikipedia (gazteleraz).
    "http://www.sorapedia.eus/index.php?title=Mapa_de_España_en_prefecturas_(eu)&oldid=30740"(e)tik jasota