Bartzelonako azoka 1949 (eu)
| Bartzelonako azoka 1949 | |
|---|---|
.jpg) | |
| Egilea | Jesús Iraeta |
| Hizkuntza | Ez dauka soinurik |
| Urtea | 1949/ 2021 |
| Argitaletxea | Euskal Filmoteka |
| Hiria | Bartzelona/ Donostia |
Izenburu osoa
SACIA. Bartzelonako azoka 1949
Bideoa
| SACIA. Bartzelonako azoka 1949 (1949/ 2021) |
Jatorria
Urteko urtero Bartzelonan Feria Oficial e Internacional de Muestras izeneko azoka egiten zuten. 1949 urtekoa, ekainak 10-25 artekoa, hamazazpigarrena izan zen.
Urte hartan Soraluzeko SACIA lantegiak standa jarri zuen, bere produktuak erakusteko: limadora horizontalak (zepiloak), zulatzaile bertikalak eta torlojuak. Eta maiatza bukaeran Soraluzetik hainbat lagun joan ziren, standa prestatzeko.
Jesus Iraetak jaso zituen irudiak, Super 8 kamara batekin. Ordutik, pelikula hau Iraeta familiaren eskutan egon da.
2020. urtean Iker Iraetak topa zuen Kalebarreneko aitaitaren etxean. Zeukan interesarengatik, Bergarako Aitor Alberdik eta Jesús Mari Agirre eibartarrak zaharberritu eta Euskal Filmotekan digitalizatu zuten.
Bideoa zertan den
Bideoaren iraupena 8 minutu eta 54 segundutakoa da, eta bertan 6 atal bereiztu daitezke:
- (0:00-3:42) Standaren muntaia
- (3:42-4:28) Saciaren produktuak
- (4:28-7:24) Saciakoak standa artatzen
- (7:24-8:01) Bazkalostea (edo afalostea)
- (8:01-8:29) Etxera buelta trenean
- (8:29-8:54) Abioiaz heltzen
Bideoan hainbat soraluzetar ezagutzen dira: Arturo Oregui (jerentea), Jose Maria Astiazarán (Bulego Teknikoaren burua), Zabaleta anaiak, Modesto Alberdi...