Azala

Soraluze herriaren enziklopedia, iraganeko eta oraineko gordailu. Ezagutu maitatzeko!

Ba al zenekien...
...frankismo garaian Plaza Barrixak Tercio de Montejurra izena izan zuela?
	1936-39 gerra sortu zenean, Soraluze Errepublikaren aldekoen esparruan geratu zen, baina ez denbora luzean: uztailetik iraila arte. Irailak 21ean herria ia hustu zen, biztanle erdiek baino gehiago ihes egin zutela. Biharamunean, irailak 22an, Montejurrako Terzioaren erreketeak sartu ziren herrian. Handik urtebetera, 1937ko irailak 15ean, orduko Udalak izena aldatu zion Plaza Barrixari: Erabateko adostasunez erabaki zen Irailak 22, Arrateko martiriak eta Montejurrako Terzioa izendatzea gaur eguneko Elizburu kalea, Barrenkale (sic) eta Plaza Berria, hurrenez hurren gogoratzeko herri honetan indar askatzaileak sartu ziren data, Arraten eraildako Serafin Atxotegi eta Manuel Lersundi (g.b.) gazteak eta Soraluze askatu zuen Terzioa. Bi hilabete geroago, 1937ko azaroak 12an Udalak Nafarroako Aldundia zoriondu zuen, Francisco Francok San Fernandoren gurutze laureada eman zionean. Segururena, Montejurrako Terziokoak nafarrak zirelako, orduan aldatuko zioten izena Plaza Zaharrari, Plaza de Navarra izendatzeko. Franco hil eta gero, demokraziarekin, kale eta plazek jatorrizko izenak berreskuratu zituzten. Urte zail haietan herrian gertatutakoa hobeto ezagutzeko, Isiltasuna hausten. 1936ko gerra Soraluzen liburu elektronikoa eskura daukazu hemen, euskaraz eta gaztelaniaz.

Zer da Sorapedia? Hemen daukazu aurkezpen bideoa. Begiratu Erabiltzailearen gida Sorapedia erabiltzeko. Eta ekarpenak egiteko Laguntzailearen gida irakurri.

¿Qué es Sorapedia? Aquí tienes el video de presentación. Para utilizar Sorapedia consulta la Guía de utilización. Y si quieres aportar lee la Guía del colaborador.

Gaur egun, 2024eko azaroaren 21, Sorapediak 1.640 sarrera ditu, eta 5.858 fitxategi (batik bat argazkiak).