Ezkontza ostekoak (eu)

Izenburua	Plazentziako Julio Etxanizeri hartuta
Egilea/k	Ezezaguna
Hizkuntza	Euskaraz
Iturria	Gerardo Ezenarro
Partitura	sakatu hemen
Entzuteko	sakatu hemen

Letra

Ia ezkondu zera

orain zu Patxiko

bizi modu ederra

denbora gutxiko

nahi dezunik egiten

ez dizut utziko

nik haina alkandora

ez dezu jantziko.

Etxetik dotea ere

bazenduela ta

dirurik ekarri ez

ohea ere falta

ezkondu ginanean

zer zan zure planta

hutsik hartu zindudan

alperra galanta.

Ni alperra naizela

langilea zera zu

bestek ez du esaten

zedorrek diozu

atze aldetik majo

anparatzen nauzu

dote arrio horiek

orain non dituzu.

Nik ohe bat banuen

zu utzikan zinan

bazen haren premia

etzango baginan

hala ta guztiz ere

saiatu bazinan

beste modutan orain

azalduko zinan.

Ardoak ematen dizu

txarrerako gaitza

puskat edan ezkero

besterako hitza

zaharrago eta txarrago

da gure bizitza

hasarretuko gera

horrela bazabiltza.

Bestean tatxak kontatzen

ez hago txarra hi

esan dionaz bati

baino gehiagori

ni txarra banau ere

ez haiz hobea hi

ostikoaz joten bahaut

lotsagabea hori.

Hik ez daukan zer esan

deskontenturikan

suertea egin ebanan

munduko bizitzan

nerekin ezkontzera

jarri ez bahintzan

duda gabe neskazahar

geldituko hintzan.

Nik ere prisa nuen

zurekin ezkontzeko

beste askok bezala

zer zan probatzeko

zenbat bidar damutu

hainbeste ontzako

hobe nituke orain

zu baino Patxiko.

Azalpenak

Gerardo Ezenarrok jaso zuen Botaizu zeuria Udal ekimenaren barruan, eta 1991ko jai egitarauan jasotako letrak agertu ziren.

Gerardok emandako izenburuari erreparatuta (Plazentziako Julio Etxanizeri hartuta), ematen du ez zuela egilea zein zen ezagutzen. Dena dela, badaiteke bere aitarena izatea. Izatez, Ander Ezenarrok (Urzelai) gerra aurrean hamaika abesti egin zituen, batez ere Aratoste konpartsendako.