Gabon gabonete (eu)

Izenburua	Gabon gabonete
Egilea/k	Ezezaguna
Hizkuntza	Euskaraz
Iturria	Herrikoia
Partitura	sakatu hemen
Entzuteko	sakatu hemen

Letra

Jatorrizkoa

Batuaz

Gabon gabonete, erros errosete Jesus jaio da ta jo degun kriskete kris kris kris! San Bizente San Bizente tu hermano mi pariente, ale ale alegría todo el mundo salbadoria. Aqui estamos cuatro, cantaremos dos por una limosnita por el amor de Dios. Belengo portaletan ate zabaletan hotzak ikaraz dago Jesus laztuetan. Astua ta irixa daukaz aldamenian, arnasaz berotzeko hostutzen danian. Zapi xuri askotxo gastatzen badezu, nola biziko geran erakutsiko´tzut. Aingeruak gera ta zerutikan gatoz, boltsia badegu ta diru eske gatoz. Aginaldo aginaldo, bestela makiñaldo!

Gabon gabonete, erros errosete Jesus jaio da eta jo dezagun krisketea kris kris kris! San Bizente San Bizente zure anaia nire ahaidea, ale ale alaitasuna mundu guztia salbadorea. Hemen lau lagun gaude, bik abestuko eskupekoren truke Jainkoarengatik. Belengo atarian ate zabaletan hotzak ikaraz dago Jesus laztoetan. Astoa eta idia dauzka aldamenean, arnasaz berotzeko hozten denean. Zapi zuri askotxo gastatzen baduzu, nola biziko garen erakutsiko dizut. Aingeruak gara eta zerutik gatoz boltsa badugu eta diru eske gatoz. Aginaldo aginaldo, bestela makiñaldo!

Azalpenak

Munduko beste leku askotan bezala, Soraluzen ere Gabonetan mutil taldeak (ume zein gazte) etxerik etxe joaten ziren gabon kantak abesten, eta eskupekoa edo aginaldoa eskatuz.

Herri kanta izanik, bertsio bat baino gehiago dago, motzagoak gehienak. Bukaera ere desberdina dute: bestela makillando!.

Olentzero herrira heldu zenean gabon kanta berriak ekarri zituen berekin, politagoak edo osatuagoak akaso, eta gaur egun Gabon gabonete ia ez da erabiltzen.

Eibarren ere abesten zen, letra pixkat aldatuta: Gabon gabonete, errez errezete, Jesus jayo da ta, jo deigun kiskete.