Gaceta de Madrid. Militarrak (eu)

Sarrera honetan Gaceta de Madrid aldizkarian agertutako berriak (1900 arte) agertzen dira, militarrekin zer ikusia dutenak.

Soraluzekin lotura duten berri guztiak ikusteko, sakatu hemen.

Denetik

1863/09/15. Ikuskatzaile izateko oposaketa

Gaceta de Madrid, 258 zbk. 3. orrialdea. Jatorrizkoa ikusteko, sakatu hemen.

Soraluzeko suzko-arma eramangarrien fabrika.

Batzorde fakultatibo-ekonomikoa.

Gorputzeko zuzendari nagusiaren aginduz, arma-fabrika honetan hutsik dagoen bigarren maisu-ikuskatzaile plaza bat, hilean 600 erreal dituena, oposiziozko bidetik bete behar denez, iragarki honen bidez jakinarazten da plaza hori betetzeko adimenez eta asmamenez bere buruak ondo jantzita uste duten arauez baimenduta dauden armadako errejimenduetako armazainek zein armazain partikularrek Soraluzeko arma-fabrikako zuzendari koronelari egindako eskaerak bidaltzeko, beren adina, egindako zerbitzuak eta beren moralitatea zein portaera ona egiaztatzen dituzten agiriekin batera, egungo irailaren 30a baino lehen.

Hautagaiak ohartarazten dira oposizio-ariketak datorren urriaren 15ean hasiko direla; hasteko 1859 ereduko fusil baten pieza guztiak eraiki, doitu eta muntatu beharko dituztela; ostean azterkera teorikoa izango dela, fabrikazio egokirako jarraitu behar diren printzipio eta arauen ezagutza erakusteko, eta armaren zein zati nagusi bakoitzaren ezaugarri eta akatsena; azkenik, adierazi nahi da Soraluzen Fabrikako batzorde fakultatiboaren aurrean burutu behar den oposiziora, artilleriako maestrantzetako arma-maisu nagusiak eta parkeetako arma-maisuak ere aurkez daitezkeela, eta ikuskatzaile-lanpostu hau betetzerakoan, egoera berdinean, azken hauek izango dutela lehentasuna.

Soraluze 1863ko irailak 3an. = Batzorde fakultatibo-ekonomikoaren erabakiz, Félix Diaz Aguado, komandante kapitain idazkaria.

1897/11/25. Posta dohain

Gaceta de Madrid, 329 zbk. 610.-611. orrialdeak. Jatorrizkoa ikusteko, sakatu hemen.

Posta

Posta ofiziala bidaltzeko posta-frankizia izango duten agintarien, funtzionarioen eta korporazioen zerrenda.

...

Trubia, Soraluze eta Santa Barbarako (Oviedo) Marina batzordeetako buruak.

1898/06/26. Soraluzetarra hilda Antilletan

Gaceta de Madrid, 177 zbk. 1.169.-1.170. orrialdeak. Jatorrizkoa ikusteko, sakatu hemen.

Kubako Armadako tropen heriotzen berriak, aipatzen diren egunetan, Antillako kapitain orokorrak adierazi duenaren arabera.

...

Infanteria (Armak), Asturias (Gorputzak), Armagina (Motak), José Orozco Arana (Izenak), Soraluze, Gipuzkoa (Jaiolekua: herria, probintzia), 1 (Bajak. Gaixotasun arrunt edo istripuena), 1897ko otsailak(Heriotza-data: eguna, hila, urtea), Sagua de Tànamo, Kubako Santiago (Heriotza: herria, probintzia)

Epaitegi militarrak

Tenientea Abarzuzan desagertuta (1873)

Gehiago jakiteko, sakatu hemen.

1873ko urtarrilaren 20an Isabel II.aren infanteria-erregimentua Abarzuza (Nafarroak) inguruan zela, bertako tenientea zen Eduardo Ojel Jaramillo desagertu zen. Agian karlistekin bat egingo zuen, edo karlisten partida batek hilgo zuen, edo... Lau urte geroago Gaceta de Madrid-en hiru deialdi agertu ziren, auzia argitzeko.

Eduardo Ojel desagertu eta urte t'erdi geroago Abarzuzako gudua izan zen (1874ko uztailaren 25 eta 27 artean), bertan Torcuato Mendirik zuzendutako karlistek Manuel Gutiérrez de la Conchak zuzendutako liberalak menderatu zituzten, azken honek guduan bizia ere galduz.

Desertzioak (1897-1898)

Gehiago jakiteko, sakatu hemen.

Hiru kasu agertzen dira, hirurak XIX mendeko azken urteetakoak. Bi Soraluzekoak, Cristobal Aldazabal Issa eta Jose Antonio Oliden, Donostiatik alde egindakoak. Eta hirugarrena Castellón-goa, Vicente Anglés Borrás, ihes egin zuela Soraluzen soldadu ari zela.

Gerrako armen kontrabandoa (1898)

Gehiago jakiteko, sakatu hemen.

Auzi honetan lau ziren inplikatuak. Alde batetik Soraluzeko bi anaia, Manuel Joaquin Maiztegui Mendicute (1847/09/27) eta Bruno Maiztegui Mendicute (1851/10/06); honetaz gain Benito Aramburu Maquibar (1869/03/22) ermuarra eta Juan José Gandiaga Arrasqueta (1855), Etxebarriakoa.

Marinako infanteria. Soraluzeko destakamendua (1898)

Lantokiak eta izendapenak

1859/09/14

Gaceta de Madrid, 257 zbk. 1. orrialdea. Jatorrizkoa ikusteko, sakatu hemen.

MARINA MINISTERITZAK HARTUTAKO ERABAKIAK

...

Armadako artilleriaren Estatu Nagusiaren kapitaina den Agustìn Gómez de Vildósola eta lehen Kondestable supernumerario den Francisco Bárcena izendatuz Soraluzen egin behar diren armen ekoizpena ikuskatzeko.

1860/07/09

Gaceta de Madrid, 191 zbk. 1. orrialdea. Jatorrizkoa ikusteko, sakatu hemen.

Jaun agurgarria: Gerra Ministro jaunak Artilleria zuzendari orokorrari zera adierazi dio gaur:

Erregina andereak baimena eman dizu Euskal Herriko probintziak zeharkatzeko Zestoako bainuak hartzeko eta Donostiako plaza zein Soraluzeko arma lantegia berriro bisitatzeko. Aldi berean, Artilleriako Zuzendaritza Nagusi horren ohiko bulegoaz armaren bostgarren departamentuko teniente jeneral azpikontu-hartzailea den Juan Mantilla de los Rios y Teran jauna arduratuko dela erabaki du.

Erret ordena, aipatutako Ministro jaunak adierazia, Zeuri jakinarazten dizut jakin dezazun eta beharrezko ondorioetarako. Jaungoikoak urte askotan gorde zaitzala, Madril 1860ko uztailak 3an.

Idazkariordea, Francisco de Ustàriz.

1861/03/18

Gaceta de Madrid, 77 zbk. 1. orrialdea. Jatorrizkoa ikusteko, sakatu hemen.

GERRA MINISTERITZAK HARTUTAKO ERABAKIAK

1864ko martxoak 7an

...

Artilleria Zuzendari Nagusiari

...

Alberto Milagro kapitaina Soraluzeko lantegian jarraitzeko erabakiz.

1863/11/04

Gaceta de Madrid, 308 zbk. 1. eta 2. orrialdeak. Jatorrizkoa ikusteko, sakatu hemen.

GERRA MINISTERITZAK HARTUTAKO ERABAKIAK

...

Artilleria

Zuzendari orokorrari.- Gabino Barrientos jauna Toledoko lantegiaren maisu ikuskatzaile izandatuz.

Zuzendari orokorrari.- Juan Martin Aranguren jauna Toledoko lantegiaren maisu ikuskatzaile izandatuz.

1864/08/07

Gaceta de Madrid, 220 zbk. 1. orrialdea. Jatorrizkoa ikusteko, sakatu hemen.

ERRET DEKRETOA

Marina Ministroak proposatutakoarekin bat eginez, honako hau dekretatzen dut:

1. artikulua. Armadaren Gorputz Nagusiaren Buruzagi eta Ofizialek betetzen dituzten lurreko destinoak...

...

Armadako artilleriaren estatu nagusiaren gorputzaren buruzagi eta ofizialek betetzen duten lurreko destinoen sailkapena

...

Hirugarren maila

Teniente koronelak

Trubiako Batzordearen Burua........ eperik ez.

Akademiaren azpizuzendaria........ eperik ez.

Soraluzeko Batzordearen Burua... eperik ez.

...

Sailkapen gabeko destinoak

Armaren zuzendaritza.

Akademiaren zuzendaritza.

Trubiako batzordea.

Soraluzeko batzordea.

1866/03/02

Gaceta de Madrid, 61 zbk. 1. orrialdea. Jatorrizkoa ikusteko, sakatu hemen.

MINISTERIO BERAK HARTUTAKO ERABAKIAK

Otsailak 22

...

Otsailak 24. Soraluzeko Batzordearen arma ikuskatzaile maisuak Càdiz eta Ferrol departamentuetako arma-lantegietako maisu nagusi izendatuz.

Otsailak 24. Marinak Soraluzen duen batzordearen kargu-uztea erabakiz.

1887/04/13

Gaceta de Madrid, 103 zbk. 99.-105. orrialdeak. Jatorrizkoa ikusteko, sakatu hemen.

Erredentzio eta Engaiamendu Militarren Kontseilua. — Lanpostu zibiletarako hautagaiak sailkatzeko batzordea.

Data honetara arte iragarritako lanpostu hutsen zerrenda, 1865eko urriaren 10eko erregelamenduaren 27. artikuluaren arabera argitaratu beharrekoa, hilabete amaieran eskubidea dutenek bete ahal izateko.

...

BASKONGADETAKO KAPITANIA OROKORRA

...

Gasteizko Ogasun ordezkaritza (Saila edo zerbitzua), Soraluzeko estankoa, 4. zbk. (Destino mota), Saria (Soldata)

Enkanteak

1879/08/13. Ogi eta pentsu hornidura

Gaceta de Madrid, 225 zbk. 520. eta 521. orrialdeak. Jatorrizkoa ikusteko, sakatu hemen.

Euskal probintzien intendentzia militarra.

Zerrenda horretan, datorren urriaren 1ean hasiko den hurrengo nekazal-urtean indar finko eta pasokoentzako ogi eta pentsu-hornidura kontratatzeko bigarren enkanteak zein puntu, egun eta ordutan egin behar diren adierazten da.

Gipuzkoako probintzia.

Tolosan, martxoaren 2an, goizeko hamar eta laurdenetan.

Oñatin, martxoaren 21ean, goizeko hamar eta erdietan.

Soraluzen, martxoaren 21ean, goizeko hamar eta hiru laurdenetan.

Bergaran, martxoaren 21ean, goizeko hamaiketan.

1880/07/07. Ogi eta pentsu hornidura

Gaceta de Madrid, 189 zbk. 53.-55. orrialdeak. Jatorrizkoa ikusteko, sakatu hemen.

Euskal probintzien intendentzia militarra.

Euskal Probintzietako barrutiko intendente militarrak jakinarazten du, Administrazio militarreko zuzendari nagusiak xedatutakoaren arabera, hilabete horretako 7an urtebeteko eperako, datorren urriaren 1etik aurrera, ondoren adierazten diren herrietako Armada zein Goardia Zibilen tropa eta zaldientzako, finko eta pasokoak, ogi eta pentsu-hornidura salneurri finkoetan kontratatu beharko dela; enkante publiko eta aldi berean egingo da, aipatutako egunetan eta orduetan, dagokion probintziako hiriburuko Intendentzia militar honen eta Gerrako Komisariaren tauletan, bulego horietan agerian egongo den baldintza-pleguari lotuta, eta behar bezala argitaratuko diren muga-prezioak eta amaieran argitaratuko den proposamen-eredua kontuan hartuta. Hori iragartzen da zerbitzu honetan parte hartu nahi duten pertsonek beren proposamenak plegu itxietan aurkez ditzaten, 11. zigiluko paperean idatzita; izan ere, proposamenak lizitazio-egintzan bertan edo legez ordezkatuta egon behar dira, sor daitezkeen zalantzak argitzeko, eta, hala badagokio, erremate-akta onartu eta sinatzeko. Akta hori, noski, nahitaezkoa eta betearazlea izango da goragokoaren onarpena ematen denean.

Gasteiz, 1880ko ekainak 18a. = José G. del Campo

Proposamen-eredua

N. N. jaunak, ...ko bizilaguna, ... zenbakia duen halako mailako zedula pertsonala duena, eta halako kokapenean, baldintza-agiriaz jabeturik, zeinak enkante publikora ateratzen baitu halako herriko tropa eta zaldi egoilar zein pasokoentzat ogi eta pentsu-hornidura, zerbitzu hori ematea eskaintzen du, 70 dekagamoko ogi-anoko (letraz) honenbestetan, eta garagar-anoa hinenbeste pezeta eta honenbeste zentimo, eta lastozko kintal metrikoa honenbestetan; eta bere proposamenaren berme gisa, gordailua kutxa sukurtsalak egin duela egiaztatzen duen hainbeste pezetako agiria.

(Data eta proposatzailearen sinadura)

...

Gipuzkoako probintzia.

...

Soraluze uztailak 21ean arrasaldeko ordubatean

1881/06/29. Ogi eta pentsu hornidura

Gaceta de Madrid, 180 zbk. 906. eta 907. orrialdeak. Jatorrizkoa ikusteko, sakatu hemen.

Euskal probintzien intendentzia militarra.

Euskal probintzietako barrutiko intendente militarrak jakinarazten du, Administrazio militarreko zuzendari nagusiak hilabete horretako 8an xedatutakoaren arabera, urtebeteko eperako, datorren urriaren 1etik aurrera zenbatzen hasita, ondoren adierazten diren herrietako Armada zein Goardia Zibilen tropa eta zaldientzako, finko eta pasokoak, ogi eta pentsu-hornidura salneurri finkoetan kontratatu beharko dela; enkante publiko eta aldi berean egingo da, aipatutako egunetan eta orduetan, dagokion probintziako hiriburuko Intendentzia militar honen eta Gerrako Komisariaren tauletan, bulego horietan agerian egongo den baldintza-pleguari lotuta, eta behar bezala argitaratuko diren muga-prezioak eta amaieran argitaratuko den proposamen-eredua kontuan hartuta. Hori iragartzen da zerbitzu honetan parte hartu nahi duten pertsonek beren proposamenak plegu itxietan aurkez ditzaten, 11. zigiluko paperean idatzita; izan ere, proposamenak lizitazio-egintzan bertan edo legez ordezkatuta egon behar dira, sor daitezkeen zalantzak argitzeko, eta, hala badagokio, erremate-akta onartu eta sinatzeko. Akta hori, noski, nahitaezkoa eta betearazlea izango da goragokoai onarpena ematen zaionean. Dagokion eskritura formalizatuko da edo urteko hornidurak 12.500 pezetaraheltzen ez bada, hitzarmen soila.

Gasteiz, 1881eko ekainak 15a. = José G. del Campo.

...

Gipuzkoako probintzia.

...

Soraluzen, 1881eko uztailak 22an, goizeko hamar eta erdietan.