Ramiro Larrañaga Arma Museoa (eu)

Ramiro Larrañaga

Azken bostehun urteetan Soraluzen miloika arma egin dira, zuriak zein suzkoak, luzeak zein motzak zein kainoiak. Gehienak desagertu dira, baina oraindik bakar batzuk gordetzen dira: batzuk Eibarko Armagintza Museoan, eta beste asko bilduma pribatuetan.

Ramiro Larrañaga izeneko museo birtual honek arma horietako asko eta asko biltzen eta sailkatzen ditu.

Aretoak

Museoan jasotako armak hainbat "aretoetan" antolatuta daude, aintzinatasuna eta arma motaren arabera:

Mendeak	Arma luzeak	Arma motzak	Kainoiak	Teknologia
XVI-XVII	Arkabuz eta mosketeak			Aurrekarga Argimukizko giltzak Errobera giltzak
XVII-XIX	Txispa-fusilak	Aurrekarga pistolak		Aurrekarga Suharri giltzak
XIX	Pistoi-fusilak	Errebolberrak		Aurrekarga Pistoi giltzak
XIX	Atzekarga fusilak	Atzekarga pistolak	Kainoiak (1935 artekoak)	Atzekarga
XX	Ehiza-eskopetak era karabinak		Kainoiak (1935tik aurrera)	Teknologia modernoak

Ibilbideak

Ibilbide historiko osoaz gain, museoak ibilbide tematikoak eskaintzen ditu:

• Suzko arma luzeak: lehen zutabeko aretoak.
• Suzko arma motzak: bigarren zutabeko aretoak.
• Kainoiak: hirugarren zutabeko aretoak.
• XIX eta XX mendeko tailer txikiak: lehen bi zutabetako azken bi gelak.
• Teknologia: horizontalean.

Eibarko Armagintza Museoa

Sarrera nagusia: Eibarko armagintza museoa

Eibarko Armagintza Museoak Soraluzen egindako 17 arma gorde eta erakusten dira: 2 txispa-fusil, 4 fusil pistoi giltza dutenak, 7 atzekargako arma luze eta 4 pistola, aurrekargakoak denak.

Bildumaren osaketak ondo erakusten du Soraluzek arma luzetan izan zuen garrantzia, eta ez honenbeste arma motzetan.